కుక్కల దాడితో ఆస్పత్రిపాలైన హీరోయిన్

శాండల్ వుడ్ హీరోయిన్ పరుల్ యాదవ్.. టాలీవుడ్ ప్రేక్షకులకు కూడా పరిచితమే. రామ్ గోపాల్ వర్మ తీసిన కిల్లింగ్ వీరప్పన్ మూవీతో తెలుగు ఆడియన్స్ ను పలకరిచిందీ భామ. తాజాగా ఈమె వీధికుక్కల దాడిలో తీవ్ర గాయాల పాలైంది. ముంబైలోని తన అపార్ట్ మెంట్ సమీపంలోనే ఈ సంఘటన జరిగింది.

ఈ సోమవారం నాటి ఉదయం.. తన పెంపుడు కుక్కతో వాకింగ్ కు బయల్దేరింది పరుల్ యాదవ్. అయితే.. ఆ సమయంలో ఓ వీధి కుక్కల గుంపు.. పరుల్ కు చెందిన పెంపుడు కుక్కపై దాడి చేశాయి. కుక్క పిల్లను కాపాడుకునేందుకు వెళ్లడంతో.. ఈ హీరోయిన్ పై దాడి చేశాయి. ఈ సంఘటనలో.. పరుల్ యాదవ్ కు చాలా తీవ్రంగా గాయాలయ్యాయి. మొహం.. కాళ్లు.. చేతులు... నుదుటిపై కరిచేశాయి. ఈ విషయాన్ని గమనించిన పరుల్ సోదరి శీతల్ యాదవ్.. అక్కడి స్థానికులతో కలిసి ఆ వీధి కుక్కలను తరిమేసి.. పరుల్ ను హాస్పిటల్ కు చేర్చింది. కోకిలా బెన్ హాస్పిటల్ ప్రస్తుతం పరుల్ యాదవ్ చికిత్స పొందుతోంది.

పరుల్ యాదవ్ మొహంపై 3 అంగుళాల లోతున గాయాలు అయ్యాయంటే.. ఎంత తీవ్ర స్థాయిలో ఈ కుక్కల దాడి జరిగిందో అర్ధమవుతుంది. ఈ గాయానికి తప్పని సరిగా ఆపరేషన్ చేయాల్సి ఉంటుందని చెప్పారట వైద్యులు.


Like Us on Facebook : https://www.facebook.com/Tupakidotcom/