ఆకాశంలో హనీమూన్.. ఆ ఎయిర్ లైన్స్ బంపరాఫర్ , ధర ఎంతంటే?

ఈ ప్రపంచంలో ఉన్న ప్రతి జంట కూడా తమ పెళ్లిని ఎంత ప్రత్యేకంగా చేసుకోవాలని ప్లాన్స్ చేసుకుంటారో, తమ హనీమూన్‌ను కూడా అంతకుమించి ప్రత్యేకంగా ఉండాలని కోరుకుంటారు. అలాంటి జంటల కోసం ఓ ఎయిర్‌లైన్స్ సంస్థ , అదిరిపోయే ప్యాకేజీ ప్రకటించింది. ఆకాశంలో హనీమూన్ జరుపుకోవాలనుకుంటున్న వారికి ఇప్పుడు అమెరికాకు చెందిన లవ్ క్లౌడ్ జెట్ చార్టర్ అనే సంస్థ ‘రాయల్ హనీమూన్‌’ పేరుతో ప్రత్యేక ఆఫర్‌ ను ప్రకటించింది.

ప్రత్యేక ఆఫర్ లో భాగంగా ,హనీమూన్ కోసం ప్రత్యేక విమానాన్ని బుక్ చేసుకోవడానికి కేవలం 995 అమెరికన్ డాలర్లు చెల్లిస్తే సరిపోతుంది. అంటే భారతీయ కరెన్సీలో కేవలం 73 వేల రూపాయలు. అయితే, ఈ మొత్తం చెల్లిస్తే 45 నిమిషాల ప్రయాణానికి మాత్రం అవకాశం ఉంటుంది. అంతకు మించి సమయం కావాలనుకుంటే, మరింత డబ్బు చెల్లించాల్సి ఉంటుంది. హనీమూన్‌ ను మధురానుభూతిగా నిలుపుకోవాలనుకునే వారి కోసం లవ్ క్లౌడ్ జెట్ చార్టర్ అనే సంస్థ ఈ ప్రత్యేక సదుపాయాన్ని ప్రారంభించింది. ఇందులో భాగంగా నూతన జంటలు తమ హనీమూన్‌ను విమానాల్లో జరుపుకునేలా ప్లాన్ వేశారు. ఇందుకోసం జంటలను ఆకర్షించేందుకు ప్రత్యేక ప్లాన్స్ కూడా అనౌన్స్ చేశారు.

ఈ ఎయిర్‌ క్రాఫ్ట్ సర్వీస్‌ లు, సదుపాయాలను చూసి మీ హనీమూన్‌ ను ప్రత్యేకంగా మార్చుకోవచ్చు అనడంలో ఎలాంటి సందేహం లేదు. హనీమూన్ కోసం విమానంలో ప్రత్యేకంగా క్వీన్ బెడ్‌ ఏర్పాటు చేశారు. ఈ విమానానికి ఒకే ఒక పైలట్ ఉంటాడు. అలాగే.. పైలట్ కాక్‌ పిట్ కి, విమానం ఇతర భాగానికి ఎలాంటి లింక్ ఉండదు. సో.. జంట గోప్యతకు కూడా సమస్య ఉండదు. గత ఏడు సంవత్సరాలుగా లవ్ క్లౌడ్ కంపనీ కస్టమర్లను ఆకర్షించేందుకు ప్రత్యేక సేవలను అందిస్తూ వస్తోంది. రిమాంటిక్ డిన్నర్, విమానంలో పెళ్లి ఫెసిలిటీ కూడా తీసుకువచ్చింది. తాజాగా హనీమూన్ కూడా తీసుకొచ్చింది.