మామను కోడలే చెడగొట్టిందా?

ప్రపంచవ్యాప్తంగా పెను సంచలనంగా మారిన పనామా పేపర్స్ కుంభకోణంతో దేశాధినేతలు మొదలు కొని స్టార్ సెలబ్రిటీలకు భారీ షాక్ తగిలిన పరిస్థితి. ప్రపంచ వ్యాప్తంగా హాట్ టాపిక్ గా మారిన పనామా పేపర్స్ గుట్టు రట్టు సందర్భంగా భారత్ కు చెందిన 500 మంది ప్రముఖలకూ భాగం ఉందన్న సంగతి తెలిసిందే. తాము సంపాదించిన సొమ్మును అక్రమ మార్గాల్లో పన్ను చెల్లించకుండా.. గుట్టుచప్పుడు కాకుండా విదేశాలకు తరలించటం.. అక్కడ కంపెనీలు పెట్టి.. బ్లాక్ ను వైట్ చేసేందుకు పడిన శ్రమ ఏమిటో.. తాజా కుంభకోణం కళ్లకు కట్టినట్లుగా చేసింది.

మిగిలిన వారి సంగతి పక్కన పెడితే.. భారతదేశానికి సంబంధించిన ఇద్దరి పేర్ల విషయంలో అందరి నోటా ఆశ్చర్యం వ్యక్తమైంది. ఆ ఇద్దరిలో ఒకరు బాలీవుడ్ దిగ్గజం బిగ్ బీ అమితాబ్ అయితే.. మరొకరు ఆయన కోడలు.. మాజీ విశ్వసుందరి.. బాలీవుడ్ నటి ఐశ్వర్యారాయ్. తెర మీద తన అందచందాలతో.. అమాయకంగా కనిపించే ఐష్ కు అన్నేసి ఆలోచనలు ఉన్నాయా? అని బుగ్గలు నొక్కుకున్నోళ్లు చాలామందే ఉన్నారు. మరికొందరైతే.. బిగ్ బీ కోడలు అయ్యాక అలాంటి తెలివితేటలు ఇట్టే వచ్చేస్తాయని నోరు జారిన వారూ ఉన్నారు.

అయితే.. పనామా పేపర్స్ వెల్లడించిన సమాచారం ప్రకారం చూస్తే.. ఆసక్తికరమైన అంశం ఒకటి కనిపిస్తుంది. ఐశ్వర్యారాయ్ ను మామ బిగ్ బి చెడగొట్టటం సంగతి తర్వాత.. కోడలే.. మామను చెడగొట్టిందా? అన్న సందేహం కలగక మానదు. ఎందుకంటే బిగ్ బీ ఇంట ఐష్ కోడలుగా అడుగుపెట్టింది 2007లో. కానీ.. పనామా పేపర్స్ సమాచారం ప్రకారం.. డమ్మీ కంపెనీల్ని ఐష్ ఫ్యామిలీ తెరించింది 2005లోనే. అంటే.. పెళ్లికి రెండేళ్ల ముందే ఐష్ తన బ్లాక్ మనీని వైట్ చేయటానికి కిందా మీదా పడిందన్న మాట. తనకు అలవాటైన ఈ వ్యవహారాన్ని పెళ్లి తర్వాత.. మామకు చెప్పి.. ఆయన చేత కూడా బ్లాక్ ను వైట్ గా చేసే ప్రయత్నం చేశారా? అన్న ప్రశ్నలు రేగుతున్నాయి. కనిపిస్తున్న ఆధారాల్ని చూస్తే మాత్రం.. బ్లాక్ ను వైట్ గా మార్చే ప్రక్రియలో బిగ్ బీతో పోలిస్తే ఐష్ సీనియర్ అయిన నేపథ్యంలో మామ తాజా బద్నాంకు కోడలే కారణమా? అన్న సందేహం కలగక మానదు.