అఖిల్, మోనాల్.. సూపర్బ్ ఎపిసోడ్!

బిగ్ బాస్ నాలుగో సీజన్ ముగిసి చాలా రోజులైంది.. కానీ, ఆ పేరు జోరు మాత్రం ఇంకా కొనసాగుతూనే ఉంది. అందులో పాల్గొన్న కంటిస్టెంట్లకు ఆఫర్లు వెల్లువలా వచ్చిపడుతూనే ఉన్నాయి. కొందరికి సినిమా ఛాన్సులు.. మరికొందరికి బుల్లితెర ఆఫర్లు వస్తూనే ఉన్నాయి.

ఈ నాలుగో సీజన్ కు చాలా ప్రత్యేకతలున్నాయి. షో స్టార్టింగ్ లో జనాలకు తెలిసిన ముఖాలు కొన్ని మాత్రమే. అయినప్పటికీ షో బంపర్ హిట్ అయ్యింది. ఇక గత సీజన్లకు ఏ మాత్రం తగ్గకుండా మేల్, ఫిమేల్ కంటిస్టెంట్ల మధ్య కెమిస్ట్రీ, ఫిజిక్స్ బాగానే నడిచింది. దీంతో.. ఈ సీజన్ పై ఆడియన్స్ కాన్సన్ట్రేషన్.. ఎండ్ కార్డ్ పడేవరకూ కంటిన్యూ అయ్యింది.

ఆ విధంగా క్లిక్ అయిన జంటల్లో అఖిల్-మోనాల్ గజ్జర్ పెయిర్ హాట్ ఫేవరెట్ గా నిలిచింది. ఈ జోడీపై ఆడియన్స్ స్పెషల్ ఫోకస్ పెట్టారు. హౌస్ లో ఉన్నన్ని రోజులు.. వీరిద్దరి రిలేషన్ పై కావాల్సినన్ని గాసిప్స్ వచ్చాయి. దీంతో.. ఈ జంట చాలా ఫేమస్ అయిపోయింది. ఇప్పుడు ఈ ఫేమ్ వల్లే.. వారికి అవకాశాలు వస్తున్నాయి.

ఈ జోడీతో మళ్ళీ ఆ మ్యాజిక్ ను రిపీట్ చెయ్యడానికి 'స్టార్ మా' ఛానల్ సిద్ధమైంది. ఈ ఛానెల్లో వీరిద్దరిపై ఒక బ్యూటిఫుల్ ఎపిసోడ్ ను ప్లాన్ చేశారు. ఇందులో అఖిల్ మోనాల్ కోసం ఒక స్పెషల్ సాంగ్ ను పాడడం విశేషం. అంతే కాకుండా.. అఖిల్ కు మోనాల్ తో ఓ సర్ప్రైజ్ కూడా ప్లాన్ చేసినట్టు తెలుస్తోంది. ఈ స్పెషల్ ఎపిసోడ్ త్వరలోనే టెలికాస్ట్ చెయ్యాలని ప్లాన్ చేస్తున్నారు. మరి ఇది ఎప్పుడు టెలికాస్ట్ అవుతుంది? ఎలాంటి రెస్పాన్స్ వస్తుంది? అన్నది చూడాలి.