కేటీఆర్ కు అఖిలప్రియ ప్రత్యేక ఆహ్వానం

ఆంధ్రప్రదేశ్ పర్యాటక శాఖ మంత్రి భూమా అఖిల ప్రియ, తనకు కాబోయే భర్త భార్గవ్ రామ్ తో కలిసి తెలంగాణ ఐటీ మంత్రి కేటీఆర్ ను తమ పెళ్లికి రావాల్సిందిగా ప్రత్యేకంగా ఆహ్వానించారు. అఖిల ప్రియ-భార్గవ్ ల పెళ్లి ఆగస్టు 29న అఖిల ప్రియ సొంతూళ్లో అంగరంగ వైభవంగా జరగనుంది.

సీఎం చంద్రబాబు కేబినెట్ లో అఖిల ప్రియ అందరికంటే చిన్న వయస్కురాలు.. మంత్రిగా పెళ్లి చేసుకోబోతున్న అరుదైన సందర్భం ఇది. అందుకే ఈ పెళ్లికి ఏపీ, తెలంగాణ నేతలందరినీ ఆహ్వానిస్తోంది.. హైదరాబాద్ కు చెందిన యువ పారిశ్రామికవేత్త భార్గర్ రామ్ ను ఈ సందర్భంగా కేటీఆర్ కు పరిచయం చేసింది. వీరి పరిశ్రమలు, బ్యాక్ గ్రౌండ్ ను వివరించింది. అఖిల-భార్గవ్ లకు గత మే నెలలో నిశ్చితార్థం జరిగింది.

ఈ సందర్భంగా కేటీఆర్ కూడా వీరిద్దరిని ఓ సామాజిక కార్యక్రమంలో పాలుపంచుకోవాల్సిందిగా కోరినట్టు తెలిసింది. హైదరాబాద్ లోని ఎన్-కన్వేన్షన్ సెంటర్ లో సెప్టెంబర్ 1 న నిర్వహించే ఈ కార్యక్రమంలో ప్రముఖ రాజకీయ నేతలు, బిజినెస్ , ఇతర ప్రముఖులకు ఆహ్వానాలు పంపినట్టు తెలిసింది. బహుశా హరితహారం కానీ ఏదైనా సామాజిక సేవ కార్యక్రమానికి గానీ కేటీఆర్ ప్లాన్ చేసినట్టు తెలుస్తోంది. అయితే పూర్తి వివరాలు మాత్రం తెలియరాలేదు.