జడేజాను తిట్టిపోసిన అక్షర్​.. రీజన్​ ఏమిటంటే?

టీమిండియా యువ స్పిన్నర్​ అక్షర్​ పటేల్​ .. రవీంద్రజడేజాపై సంచలన వ్యాఖ్యలు చేశాడు. అతడివల్లే తనకు అవకాశాలు రావడం లేదంటూ తన అక్కసునంతా వెల్లబోసుకున్నాడు. జడేజా ఆల్​రౌండర్​ అయినందున అవకాశాలు ఎగరేసుకుపోతున్నాడని పేర్కొన్నాడు. అయితే అక్షర్​ వ్యాఖ్యలపై నెటిజన్లు మండిపడుతున్నారు. అక్షర్​ ఆ వ్యాఖ్యలు ఫన్నీగా చేశాడో? సీరియస్​ గా చేశాడో తెలియదు కానీ.. ‘నీకు అవకాశాలు రాకపోతే జడ్డూ తప్పేంటీ..ఎవరు బాగా ఆడితే వాళ్లకే అవకాశాలు వస్తాయి’ అంటూ నెటిజన్లు కామెంట్లు పెడుతున్నారు.

ఆటలో నైపుణ్యం పెంచుకోవాలి గానీ.. తోటి క్రికెటర్​ పై నోరు పారేసుకోవడం ఎందుకని ప్రశ్నిస్తున్నారు. ఇదిలా ఉంటే అక్షర్​ వ్యాఖ్యలు మాత్రం సోషల్​ మీడియాలో వైరల్​ గా మారాయి. అక్షర్​ ఇంగ్లండ్​ పర్యటనకు కూడా ఎంపికయిన విషయం తెలిసిందే. ప్రస్తుతం క్వారంటైన్​లో ఉన్నాడు. కాగా ఇటీవల ఓ మీడియా సంస్థకు ఇచ్చిన ఇంటర్వ్యూలో అక్షర్​ పలు విషయాలు పంచుకున్నాడు..

’ నాకు అవకాశాలు రావడం లేదంటే అందుకు కారణం నైపుణ్యాలు కాదు.. వేరే అంశాలు కూడా ఉంటాయి. ప్రస్తుతం టీమిండియాలో రవిచంద్రన్​ అశ్విన్​, రవీంద్రజడేజా అద్భుతంగా రాణిస్తున్నారు. జడేజా బౌలింగ్​తోపాటు బ్యాటింగ్​ లోనూ గొప్ప ప్రదర్శన ఇవ్వగలడు. అందువల్లే అతడికే అవకాశాలు వస్తాయి. నాకు ఒక్కసారి చాన్స్​ వస్తే నేనేంటో నిరూపించుకుంటా. నాకు టీమిండియాలో పంత్​ ఎంతో సన్నిహితుడు. అతడు ఆటలో ఎంతో కూల్​ గా ఉంటాడు. జోకులు పేలుస్తూ ఉత్సాహ పరుస్తూ ఉంటాడు. అతడి కెప్టెన్సీలో ఆడటం చాలా కూల్​గా ఉంటుంది. ఎటువంటి ఒత్తిడి ఉండదు.

నా బౌలింగ్​ చాలా మంది బ్యాట్స్​ మన్లకు అర్థం కాదు. అందుకే తికమక పడి వికెట్లు సమర్పించుకుంటూ ఉంటారు. నా బంతి ప్రతి సారి స్పిన్​ కాదు. నేను స్పిన్​ వేస్తున్నానా? లేక వికెట్​ టు వికెట్​ వేస్తున్నానా? అనేది ప్రత్యర్థులకు అర్థం కాదు. అందుకే వికెట్లు పడుతుంటాయి. నా బౌలింగ్​లో చాలా వైవిధ్యం ఉంటుంది. రవిచంద్రన్​ అశ్విన్​, అనిల్​ కుంబ్లే వంటి సీనియర్ల దగ్గర నేను మెలకువలు నేర్చుకుంటాను’ అంటూ పలు విషయాలను పంచుకున్నాడు అక్షర్​. అయితే జడ్డూ మీద చేసిన కామెంట్లు మాత్రం వివాదాస్పదం అయ్యాయి.