ప్ర‌పంచంలో క‌మ్యూనిజం..దేశంలో కాంగ్రెస్ ఖ‌తం!

ప్ర‌తిప‌క్ష కాంగ్రెస్‌ - క‌మ్యూనిస్టుల‌పై బీజేపీ జాతీయ అధ్య‌క్షుడు భారీ సెటైర్ పేల్చారు. తాజాగా మీడియాతో మాట్లాడుతూ ప్రపంచం నుంచి కమ్యూనిజం - దేశం నుంచి కాంగ్రెస్ తుడిచిపెట్టుకుపోయాయని అమిత్ షా ఎద్దేవా చేశారు. తాము ప్ర‌జ‌ల ఆద‌ర‌ణ‌కు దూర‌మ‌య్యామ‌నే విష‌యాన్ని ఇక‌నైనా విప‌క్షాలు గ‌మ‌నించుకోవాల‌ని సూచించారు. కానీ అవేమీ గ‌మ‌నించ‌కుండా - బీజేపీ ఎదుగుద‌ల‌ను ఓర్వ‌లేక విమ‌ర్శ‌లు చేస్తే ప్ర‌జ‌లు ఓట్ల రూపంలో బుద్ధి చెబుతార‌ని అమిత్ షా వ్యాఖ్యానించారు. బీజేపీని ఎదుర్కునేందుకు విప‌క్షాలు జ‌ట్టుకడుతున్న తీరు - విమ‌ర్శ‌లు చేస్తున్న విధానాన్ని ప్ర‌జ‌లు గ‌మ‌నిస్తున్నార‌ని షా తెలిపారు.

ప్ర‌ధానమంత్రి నరేంద్రమోడీ విదేశీ పర్యటనలపై కాంగ్రెస్ గొంతు చించుకుంటున్నది కానీ వారి హ‌యాంలో ఏం జ‌రిగిందో ఆలోచించుకోవాల‌ని అమిత్ షా పునరుద్ఘాటించారు. మన్మోహన్‌ సింగ్ ప్రధానిగా ఉన్న సమయంలో మోడీ కన్నా ఎక్కువ రోజులు విదేశాల్లో గడిపారని అమిత్ షా తెలిపారు. అయితే అప్ప‌టికీ ఇప్ప‌టికీ ఒక్కటే తేడా ఉంద‌ని చెప్తూ మన్మోహన్ సింగ్ విదేశాల్లో తిరిగినా ఎవరూ పట్టించుకోలేదని ఆయన ఎప్పుడు వెళ్లారో, ఎప్పుడు వచ్చారో కూడా తెలియని పరిస్థితి ఉండింద‌న్నారు. కానీ ప్ర‌ధాన‌మంత్రి మోడీకి విశేష ఆదరణ లభిస్తున్నదని వివ‌రించారు.

Like Us on Facebook : https://www.facebook.com/Tupakidotcom/