అమితాబ్ కే పంచ్ వేస్తే ఊరుకుంటారా మరి?

పీకూ సినిమాతో జాతీయ అవార్డు గ్రహితగా వార్తలలో అమితాబ్ పేరు మార్మోగిపోతుంది. అయితే ఈ సినిమా కారణంగానే కాక మరో సందర్భంలో కూడా అమితాబ్ వార్తలలోకి ఎక్కాడు. ఈ కధేంటో తెలుసుకోవాలంటే ఓ రెండు రోజులు వెనక్కి వెళ్ళాల్సిందే..

T20 ప్రపంచకప్ సందర్భంగా ఈ ఆదివారం విరాట్ కోహ్లీ ఆసీస్ ని ఊచకోత కోసిన సంగతి తెలిసినదే. ఈ విషయాన్ని ఇంగ్లాండ్ క్రికెటర్ కాస్త కవ్విస్తూ నెట్ లో పెట్టాడు. విరాట్ ఆట చూస్తుంటే అతడు త్వరలోనే రూట్(ఇంగ్లాండ్ బ్యాట్స్ మెన్) అంతటి వాడవుతాడు అని పోస్ట్ చేశాడు. దీనికి సగటు అభిమానులు ఆగ్రహంతో ఫ్లింటాఫ్ పై విరుచుకుపడ్డారు. ఈ జాబితాలో అమితాబ్ కూడా చేరి 'రూట్(వేరు) ఏంటి.. రూట్స్ తో సహా పెకిలించేస్తాం' అని ట్వీట్ వేశాడు.

ఇంగ్లాండ్ ప్లేయర్ అంతటి ఆగక ఇంతకీ మీరెవరని అమితాబ్ ట్వీట్ కి రిప్లై పెట్టడంతో వ్యవహారం తారా స్థాయికి చేరుకుంది. ఒక్కసారిగా క్రికెట్ అభిమానులతో పాటూ సినీ అభిమానులు ఫ్లింటాఫ్ పై విరుచుకుపడ్డారు. ఇంగ్లాండ్ లో నీకంటే ఆయనే ఫేమస్ అంటూ చురకలు పడడం విశేషం.