క్రికెటర్ కి వయాగ్రా వాడాల్సిన అవసరమేమిటో?

వయాగ్ర గురించి తెలీనివారు ఉండరు. మరింత పుష్టి కోసం వినియోగించే వయాగ్రా తెచ్చిన కష్టాల్ని చెప్పుకొచ్చిన ఒక క్రికెటర్ ఆసక్తిని రేపుతున్నాడు. లోగుట్టు విషయాల్ని బయటకు చెప్పేసిన అతగాడు ఇప్పుడు హాట్ టాపిక్ గా మారాడు. మ్యాచ్ ముందు రోజు రాత్రి అతగాడు వాడిని వయాగ్రా పిల్స్.. మ్యాచ్ రోజున ఎంతగా ఇబ్బంది పెట్టాయో చెప్పుకొచ్చి.. ఔరా అనిపించేలా చేశాడు.

ఏ మ్యాచ్ సందర్భంగా తాను వయాగ్రా తీసుకున్నది అతగాడు చెప్పకున్నా.. వయగ్రా ఎఫెక్ట్ ఎంతలా ఉంటుందన్నది చెప్పుకొచ్చాడు. ఇంగ్లండ్ మాజీ ఆల్ రౌండర్ ఫ్లింటాప్ ఇలాంటి పని చేసినట్లుగా స్వయంగా వెల్లడించటం పలువురిని ఆశ్చర్యంలో ముంచెత్తుతోంది. ఒకసారి వయాగ్రా తాను తీసుకున్నానని.. మ్యాచ్ ముందు రోజు రాత్రి తాను తీసుకున్న వయాగ్ర ప్రభావం ఎంత సమయం పాటు ఉంటుందో తనకు తెలీదని.. మూడు పిల్స్ తీసుకున్న రాత్రి గడిచాక.. తర్వాత రోజు ఆటలో తనకు చుక్కలు కనిపించినట్లు వెల్లడించాడు.

వయాగ్రా పిల్స్ వాడిన తర్వాతి రోజు మ్యాచ్ లో భాగంగా క్రీజ్ లో బ్యాటింగ్ చేసేందుకు వచ్చిన తాను వికెట్ల మధ్య పరిగెత్తే విషయంలో విపరీతమైన సమస్యలు ఎదుర్కొన్నానని.. చాలా కష్టపడినట్లు పేర్కొన్నారు. వేగంగా పరిగెత్త లేని పరిస్థితుల్లో రనౌట్ అయ్యానని చెప్పుకొచ్చాడు. పరిగెత్తే క్రమంలో గెంతటం తప్పించి తానేమీ చేయలేకపోయినట్లుగా చెప్పుకొచ్చాడు.

వయాగ్రా ఎఫెక్ట్ తన తర్వాత రోజు ఆటపై తీవ్ర ప్రభావం చూపినట్లుగా ఫ్లింటాప్ అంగీకరించాడు. ఇన్ని విషయాలు చెప్పిన ఫ్లింటాప్.. మ్యాచ్ ముందు రోజు రాత్రి మూడు వయాగ్రా పిల్స్ వేసుకోవాల్సిన అవసరం ఏమిటన్నది మాత్రం చెప్పలేదు సుమి. కోట్లాది మంది ఆశగా ఎదురుచూసే బ్యాట్స్ మెన్ వినాస్యం ఫెయిల్ కావటానికి.. వికెట్ల మద్య సరిగా దౌడు తీయకపోవటానికి తెర వెనుక ఎన్నో సిత్రాలు ఉంటాయనటానికి ఫ్లింటాప్ తాజాగా చెప్పిన వయాగ్రా వ్యవహారం ఒక ఉదాహరణగా చెప్పొచ్చు. అయినా.. వయసులో ఉన్నప్పుడూ వయాగ్రా అవసరమైందా ఫ్లింటాప్..?