బీజేపీ అధ్యక్ష రేసులో మరో ట్విస్ట్.!

బీజేపీ అధ్యక్ష రేసులో ఇద్దరి పేర్లు తాజాగా తెరపైకి వచ్చాయి. ఎంతో మంది ఉద్దండులను రాజకీయాల్లోకి పంపించిన ఆ జిల్లా నుంచే ఈసారి కూడా ఆ ఇద్దరే బీజేపీ అధ్యక్ష రేసులోకి రావడం బీజేపీ వర్గాల్లో చర్చనీయాంశమైంది. ఢిల్లీలో తాజాగా ఆ ఇద్దరి పేర్లను బీజేపీ పెద్దలు పరిగణిలోకి తీసుకున్నట్టు తెలిసింది.

తెలంగాణ బీజేపీ అధ్యక్ష రేసులో ఉమ్మడి మహబూబ్ నగర్ జిల్లాకు ఈసారి అధ్యక్ష పీఠం దక్కడం ఖాయమన్న చర్చ బీజేపీ లో సాగుతోంది. ప్రధానంగా డీకే అరుణ, జితేందర్ రెడ్డిల పేర్లు వినిపిస్తున్నాయి. కాంగ్రెస్ నుంచి వచ్చిన మాజీ మంత్రి డీకే అరుణ, టీఆర్ఎస్ నుంచి వచ్చిన మాజీ ఎంపీ జితేందర్ రెడ్డిలలో ఒకరికి అధ్యక్ష పీఠం దక్కడం ఖాయమంటున్నారు.

కాంగ్రెస్ గా మంత్రిగా పనిచేసి.. తాజాగా ఎన్నికల్లో ఓడిపోయిన డీకే అరుణ్ కు ఫైర్ బ్రాండ్ గా పేరుంది. మంచి క్యాడర్, బలమైన వ్యక్తిత్వం.. కేసీఆర్ తో ఢీ అంటే ఢీ అనడం ఆమెకున్న ప్లస్ పాయింట్స్. ప్రస్తుత బీజేపీ అధ్యక్షుడిని మార్చాలనుకుంటే మొదట ఈమె పేరే వినిపిస్తోంది. ఢిల్లీ పెద్దలతో అరుణ టచ్ లో ఉన్నట్టు తెలిసింది.

ఇక టీఆర్ఎస్ లో వెలుగు వెలిగిన బీజేపీలో చేరిన జితేందర్ రెడ్డి ఢిల్లీ స్థాయిలో పరిచయాలున్నాయి. టీఆర్ఎస్ పార్టీ లోక్ సభ ఫ్లోర్ లీడర్ గా ఈయనకు చాలా ఖ్యాతి వచ్చింది. ఇప్పుడు అదే బలంతో ఈయన అధ్యక్ష రేసులో దూసుకుపోతున్నారట.. ఢిల్లీ పెద్దలను ప్రసన్నం చేసుకునేందుకు లాబీయింగ్ మొదలుపెట్టాడట..

మొత్తంగా ఈ ఇద్దరిలో ఒక రెడ్డిని బీజేపీ ఎంపిక చేస్తుందని వారే కాబోయే అధ్యక్షుడని ప్రచారం సాగుతోంది.