చంద్రబాబు కి సోము షాక్ ... పనబాక పాత వీడియోతో పంచ్

తిరుపతి లోకసభ ఉప ఎన్నిక పై ప్రస్తుతం అన్ని పార్టీలు కూడా దృష్టి కేంద్రీకరించాయి. ప్రచారానికి తక్కువ సమయం ఉండటంతో అన్ని పార్టీలు కూడా ఊహకందని రీతిలో ప్రచారం చేస్తూ ఓటర్లని ఆకట్టుకునే ప్రయత్నం చేస్తున్నారు. ఇక ఈ ఉపఎన్నికల్లో వైసీపీ నుంచి గురుమూర్తి, పనబాక లక్ష్మి టీడీపీ నుంచి పోటీ చేస్తుండగా, బిజెపి – జనసేన ఉమ్మడి అభ్యర్థిగా రత్నప్రభ కాంగ్రెస్ నుంచి చింతా మోహన్ పోటీ చేస్తున్న సంగతి తెలిసిందే.

ప్రచారం ఊపందుకోవడం తో బీజేపీ దూకుడు పెంచింది.. సోషల్ మీడియా వేదికగా ప్రత్యర్థి పార్టీలను టార్గెట్ చేస్తోంది. సోమవారం వైఎస్సార్‌సీపీ ఎంపీ విజయసాయిరెడ్డిపై సెటైర్లు పేల్చిన పార్టీ అధ్యక్షుడు సోము , తాజాగా టీడీపీని టార్గెట్ చేశారు. చంద్రబాబుకు షాకిస్తూ టీడీపీ అభ్యర్థి పనబాక లక్ష్మి వీడియోను ట్వీట్ చేశారు.ఆ వీడియోలో చంద్రబాబును ప్రస్తుతం టీడీపీ నుంచి పోటీ చేస్తున్న కేంద్ర మాజీ మంత్రి పనబాక లక్ష్మి విమర్శిస్తున్నట్లుగా ఉంది. అయితే ఈ వీడియోలో ఆమె మాట్లాడుతున్న అంశాలు ఆమె తెలుగుదేశం లో చేరక ముందు కాంగ్రెస్ నేత గా ఉన్నప్పుడు మాట్లాడిన వ్యాఖ్యలు. ఆ వీడియో షేర్ చేసిన ఆయన ‘తిరుపతి ఎంపీ అభ్యర్థి శ్రీమతి పనబాక లక్ష్మీ గారు టిడిపి అధ్యక్షులు మాజీ ముఖ్యమంత్రి చంద్రబాబు చంద్రబాబు గారిని వర్ణించిన సన్నివేశం మీ కోసం.. సమర్పిస్తున్నా తెలుగుదేశం అంటూ కామెంట్ చేశారు. చంద్రబాబు అసలు రాజకీయాల్లోకి ఎలా వచ్చారు.. మామకు వెన్నుపోటు పొడిచి ముఖ్యమంత్రి పదవి చేపట్టారు. ఆయన రాజకీయం గురించి మాట్లాడుతున్నారన్నారు. ప్రస్తుతం ఈ ట్వీట్ సోషల్ మీడియాలో వైరల్ గా మారింది. ఈ వీడియో పై టీడీపీ ఎలా స్పందిస్తుందో చూడాలి.