లైవ్: మండలి రద్దు పై శాసనసభ ఒక్కరోజే

ఏపీ శాసన మండలి రద్దు బిల్లు బీఏసీ సమావేశం ముందుకు వచ్చింది. అసెంబ్లీలో ప్రవేశపెట్టడానికి ముందు స్పీకర్ కోరిక మేరకు దీనిపై అధికార ప్రతి పక్షాలతో స్పీకర్ తమ్మినేని సోమవారం మధ్యాహ్నం బీఏసీ సమావేశం నిర్వహించారు.

ఈ శాసనమండలి రద్దు బిల్లు సభలో ప్రవేశ పెట్టాలన్న బిల్లుకు బీఏసీ సమావేశం లో ఏకాభిప్రాయం వచ్చింది. అయితే ఈ బిల్లును ప్రవేశపెట్టడం, చర్చించడం.. పూర్తి చేయడం అంతా ఈ ఒక్కరోజులోనే అని తీర్మానించారు.

దీంతో శాసనమండలి బిల్లు సోమవారం శాసనసభలో ప్రవేశపెట్టనున్నారు. ఈ ఒక్కరోజులోనే దాని పై సుధీర్ఘం గా చర్చించనున్నారు. ఎంత రాత్రైనా సరే అందరూ చర్చించాక దీనిపై తీర్మానం చేసి కేంద్రానికి పంపాలని బీఏసీ సమావేశం లో నిర్ణయించారు.

ఈ సోమవారం ఒక్కరోజు మాత్రమే అసెంబ్లీ సమావేశం కానుంది. ఈరోజు మండలి బిల్లు పై చర్చించి ఆమోదించి కేంద్రానికి పంపుతారు. కాగా ఈ మండలి రద్దు బిల్లు లో చర్చలో పాల్గొనకూడదని ప్రతిపక్ష టీడీపీ, చంద్రబాబు నిర్ణయించారు. వారు ఈ సమావేశాలకు దూరంగా ఉండాలని డిసైడ్ అయ్యారు.