లఖింపూర్ ఘటన: ప్రియాంక గాంధీ సహా కాంగ్రెస్ నేతల అరెస్ట్.. ఎఫ్ఐఆర్

లిఖింపూర్ ఖేరి హింసలో మరణించిన రైతుల కుటుంబాలను కలిసేందుకు వచ్చిన ప్రియాంక గాంధీని యూపీ పోలీసులు అరెస్ట్ చేశారు. సీతాపూర్ లోని పీఏసీ గెస్ట్ హౌస్ లో 30 గంటల పాటు నిర్బంధంలో ఉంచి తర్వాత ఆమెను అరెస్ట్ చేశారు. ఆమెపై సెక్షన్ 144 ఉల్లంఘన, శాంతి భద్రతల ఉల్లంఘన వంటి పలు సెక్షన్ల కింద కేసు నమోదు చేశారు.కొద్దిసేపట్లో పోలీసులు ఆమెను కోర్టులో హాజరుపరుస్తారు.

కాంగ్రెస్ ఎంపీ దీపేంద్ర హుడా, యూపీ కాంగ్రెస్ అధ్యక్షుడు అజయ్ కుమార్ లల్లూ, ప్రియాంకగాంధీతో సహా 11 మందిపై పోలీసులు కేసు నమోదు చేశారు.

ప్రియాంక గాంధీ అరెస్ట్ కారణంగా కోపంతో ఉన్న కాంగ్రెస్ కార్యకర్తలు పీఏసీ గెస్ట్ హౌస్ బయట గందరగోళాన్ని సృష్టిస్తున్నారు. వారు గెస్ట్ హౌస్ బయట బారికేడ్లను పగులగొట్టి నినాదాలు చేయడం ప్రారంభించారు.కార్మికులు ఆహార పదార్థాలు, టెంట్లతో రావడంతో కాంగ్రెస్ కార్యకర్తలు పోలీసులతో వాగ్వాదానికి దిగారు. పోలీసులు వారిని అడ్డుకున్నారు.

ఇక సోషల్ మీడియాలో ప్రధాని నరేంద్రమోడీని ప్రియాంక గాంధీ ప్రశ్నించారు. జీప్ తో రైతులు నలిగిపోతున్న వీడియోను షేర్ చేస్తూ ‘మీరు స్వేచ్ఛ కోసం అమృతం జరుపుకోవడానికి లక్నో వచ్చారు. ఒక మంత్రి కుమారుడి కారు కింద రైతులు నలిగిపోవడం కనిపిస్తోంది.. అయినా మంత్రిని, అతడి కుమారుడిని ఎందుకు అరెస్ట్ చేయలేదని ప్రియాంక తాజాగా ప్రధానిని ప్రశ్నించింది. ’ఎఫ్ఐఆర్ నమోదు చేయాలని డిమాండ్ చేసింది.

ఇక ప్రియాంక గాంధీని కలవడానికి వచ్చిన చత్తీస్ ఘడ్ సీఎం భూపేష్ బాఘెల్ ను లక్నో విమానాశ్రయంలో పోలీసులు అడ్డుకున్నారు. ఇక లఖింపూర్ ఘటన ఎలా జరిగిందో తనకు తెలియదని కేంద్రసహాయ మంత్రి అజయ్ మిశ్రా తెలిపారు. తన కొడుకు అక్కడ ఉంటే డ్రైవర్ ను చంపినట్టు చంపి ఉండేవారు కదా? అని ప్రశ్నించారు.