యోగా గురువు డాన్సులు చూశారా?

యోగా గురువు రాందేవ్ బాబా ఏం చేసినా వెరైటీగానే చేస్తారనే పేరుంది. ఈ క్రమంలో స్టార్ ఆటగాళ్లతో కలిసి ఫుట్ బాల్ ఆడినా - డాన్సులు చేసినా ఆయనకే చెల్లింది. అలాగే ఈ యోగా గురువు రాజకీయ - సామాజిక అంశాలపై కూడా తనదైన మార్కు విశ్లేషణ - స్టేట్ మెంట్సూ ఇస్తుంటారు కూడా. తాజాగా వస్త్రవ్యాపార రంగంలోకి కూడా అడుగుపెట్టిన రాం దేవ్ బాబా మరోసారి డాన్సర్ అవతారం ఎత్తారు. తనదైన డ్రెస్ కోడ్ తో పిల్లలతో ఉత్సాహంగా డాన్సులు చేశారు.

యోగా గురువు బాబా రాందేవ్ మరోసారి డాన్సర్ అవతారం ఎత్తారు. పిల్లలతో కలిసి ఉత్సాహంగా చిందేశారు. చిన్నపిల్లల నృత్యకార్యక్రమాన్ని చూడడానికి వచ్చిన ఆయన డాన్స్ చేయడం విశేషం. విషయానికొస్తే... సూపర్ డాన్సర్ రియాలిటీ షో ప్రత్యేక ఎపిసోడ్ చిత్రీకరణ తాజాగా జరిగింది. ఈ కార్యక్రమానికి ముఖ్య, ప్రత్యేక అతిదిగా యోగా గురువు హాజరయ్యారు. ఈయన ఈ కార్యక్రమంలో పాల్గొనడంతో స్పెషల్ అట్రాక్షన్ వచ్చిందనే చెప్పాలి. దీనికి స్పెషల్ గెస్టుగా హాజరైన రాందేవ్ ఆ కార్యక్రమంలో చిన్నారుల నృత్యాలకు ముగ్ధులయ్యారు. అక్కడితో ఆగితే ఆయన ప్రత్యేకత ఏముంది... అనంతరం తాను కూడా వారితో పాదం కలిపారు. పిల్లలను ప్రోత్సహిస్తూ వాళ్లతో కలిసి ఉత్సాహంగా డాన్స్ చేశారు.

ఇదే వేదికపై రాం దేవ్ బాబా ఉత్సాహం చూసిన శిల్పా శెట్టి - అనురాగ్ బసు - గీతాకపూర్ లు కూడా రాందేవ్ బాబాతో కలిసి నృత్యాలు చేశారు. దీంతో సూపర్ డాన్సర్ రియాలిటీ షో సెట్ అంతా సందడిగా మారిపోయింది. కాగా ఈ కార్యక్రమానికి హీరోయిన్ శిల్పాశెట్టి - దర్శకుడు అనురాగ్ బసు - కొరియోగ్రాఫర్ గీతా కపూర్ లు జడ్జిలుగా వ్యవహరిస్తున్నారు.

Like Us on Facebook : https://www.facebook.com/Tupakidotcom/