గౌతం రెడ్డి మృతి పట్ల బాలక్రిష్ణ దిగ్బ్రాంతి

వైసీపీకి చెందిన యువ మంత్రి మేకపాటి గౌతం రెడ్డి ముఋతి పట్ల ప్రముఖ సినీ నటుడు, హిందూపురం ఎమ్మెల్యే నందమూరి బాలక్రిష్ణ తీవ్ర దిగ్బ్రాంతిని వ్యక్తం చేశారు. ఆయన మరణం తనను కలచివేసిందని బాలయ్య అన్నారు.

విదేశాల్లో ఉన్నత విద్యను అభ్యసించి రాజకీయాల్లో నవతరం నాయకుడిగా వెలుగొందుతున్న గౌతం రెడ్డి హఠాత్తుగా కనుమరుగై మన మధ్య లేకపోవడం బాదాకరమని బాలయ్య అన్నారు.గౌతం రెడ్డి పార్టీలకు అతీతంగా అందరితోనూ కలుపుగోలుగా ఉండేవారని, యువ నాయకుడిగా మంచి పేరు తెచ్చుకున్నారని బాలయ్య పేర్కొన్నారు.

ఇలాంటి యువ నేతలు చిన్న వయసులోనే కోల్పోవడం దురదృష్టకరమని బాలయ్య అన్నారు. గౌతం రెడ్డి ఆత్మకు శాంతి కలగాలని బాలయ్య కోరుకున్నారు. ఆయన కుటుంబ సభ్యులకు ప్రగాఢ సానుభూతిని తెలియచేశారు.