సినిమాలు ఆఫ్.. బాలయ్య పాలిటిక్స్ ఆన్

నందమూరి నటసింహం బాలయ్య బాబు ప్రస్తుతం ఖాళీగా ఉన్నారు. మొన్ననే తీసిన ‘రూలర్’ అట్టర్ ఫ్లాఫ్ తో డైలామాలో పడ్డారు. తర్వాత తీయబోయే ‘బోయపాటి శీను’ సినిమా ఫ్లాప్ కాకూడదని స్క్రిప్ట్ మార్చే పనిలో ఉన్నారట.. దీంతో బోలెడంత టైం మిగిలింది బాలయ్యకు. అందుకే ఇప్పుడు పార్ట్ టైం పాలిటిక్స్ కు తెరతీశాడట..

సినిమాలు ఉన్నప్పుడు అస్సలు పాలిటిక్స్ పట్టించుకోడు బాలయ్య.. తను గెలిచిన హిందూపురం వంక కూడా చూడరు. కానీ హిందుపురం వాసులకు ఎన్టీఆర్ నుంచి బాలయ్య వరకూ అదే ప్రేమ.. కానీ బాలయ్య మాత్రం సినిమాలకు బ్రేక్ ఇచ్చినప్పుడే పాలిటిక్స్ గుర్తుకువస్తాయి.

తాజాగా అమరావతిలో భార్య భువనేశ్వరి, కొడుకు లోకేష్, కోడలు బ్రాహ్మణి - నారా రోహిత్ - సినీ నిర్మాత అశ్వినీదత్ సహా అందరినీ దింపేసిన చంద్రబాబు తాజాగా తన ముద్దుల బామ్మర్ధి బాలయ్య బాబును దించబోతున్నాడట..

ఇప్పటికే తెలంగాణ అసెంబ్లీ ఎన్నికల్లో ‘హమ్ బుల్ బుల్ ’ అంటూ బాలయ్య చేసిన ప్రసంగాన్ని ఎవ్వరూ మరిచిపోరు. మరిప్పుడు పార్ట్ టైం పాలిటిక్స్ లో భాగంగా అమరావతిలో బాలయ్య ఏం మాట్లాడుతారు? మనకు ఏం దొరుకుతుందని ‘యూట్యూబర్స్’ అంతా కాచుకూర్చున్నారట.. ఇలా బాలయ్య బాబు అమరావతి పర్యటనను బాబు గారు ఈరోజు ఖాయం చేశారు. మరి ఈ వేడిలో తొడ కొడుతాడు.. పడగొడతాడో చూడాలి మరి.