గ‌డ్డ‌పార చేత‌ప‌ట్టి చెల‌రేగిన బాల‌య్య‌

పేరుకు మొద‌టిసారి ఎమ్మెల్యే అయినా.. త‌న నియోజ‌క‌వ‌ర్గం బాగోగులు చూసుకునే విష‌యంలో నంద‌మూరి బాల‌కృష్ణ జాగ్ర‌త్త‌లు తీసుకుంటున్నారు. నియోజ‌క‌వ‌ర్గంలో త‌ర‌చూ ప‌ర్య‌టిస్తూ.. ప్ర‌జ‌ల‌కు ట‌చ్‌ లో ఉంటూ.. వారి అభిమానాన్ని పొంద‌ట‌మేకాదు.. క‌లివిడిగా వ్య‌వ‌హ‌రిస్తూ.. అభివృద్ధి కార్య‌క్ర‌మాల విష‌యంలో దూసుకెళుతున్నారు.

అందుకేనేమో.. ఆ మ‌ధ్య‌న ఏపీ ముఖ్య‌మంత్రి నిర్వ‌హించిన ఎమ్మెల్యే ల స‌ర్వే లో అనంత‌పురం జిల్లాలోనే నెంబ‌ర్ వ‌న్ స్థానంలో బాల‌కృష్ణ నిలిచారు. జిల్లా నుంచి మంత్రులు ఉన్నా.. వారి కంటే కూడా బాల‌య్య ప‌ని తీరుకే ప‌లువురు మొగ్గు చూప‌టం తెలిసిందే. తాజాగా ఆయ‌న నియోజ‌క‌వ‌ర్గంలో ప‌ర్య‌టిస్తున్నారు. ప‌లు అభివృద్ధి కార్య‌క్ర‌మాల‌కు శంకుస్థాప‌న‌లు చేస్తున్నారు.

శుక్ర‌వారం హిందూపురంలో ప‌ర్య‌టించిన ఆయ‌న‌.. అభివృద్ధి పనుల కోసం వెళ్లి.. ఒక ద‌శ‌లో గ‌డ్డ‌పార‌తో నేల‌ను త‌వ్వి.. అంద‌రిని ఉత్సాహ‌ప‌రిచారు. బాల‌య్యే స్వ‌యంగా గ‌డ్డ‌పార తీసుకొని మట్టి తీయ‌టం మొద‌లు పెట్ట‌టంతో అక్క‌డున్న ప్ర‌జ‌లంతా ఉత్సాహంతో ఈల‌లు వేసి కేరింత‌లు కొట్టారు. రీల్ లైఫ్‌ లోనే కాదు.. రియ‌ల్ లైఫ్‌ లోనూ త‌న చేత‌ల‌తో బాల‌య్య విజిల్స్ కొట్టించుకోవ‌టం విశేష‌మే.