నేను జోకర్‌ను కాదు ఫైటర్‌ని.. బండ్ల గణేష్ ట్వీట్ వైరల్

తెలంగాణ సీఎం కేసీఆర్ కుమార్తె, ఎమ్మెల్సీ కవిత తాజాగా సినీ నిర్మాత బండ్ల గణేష్ ను ఉద్దేశించి ‘జోకర్’ అంటూ విమర్శించడం హాట్ టాపిక్ గా మారింది. గ్రేటర్ ఎన్నికల వేళ ఈ మాటలు సంచలనమయ్యాయి. గ్రేటర్ ఎన్నికల వేళ సెటైర్ వేసే ప్రయత్నంలో ఉదాహరణలో భాగంగా గత ఎన్నికల్లో బండ్ల గణేష్ అనే ఒక జోకర్ ఉండేవాదని చెప్పుకొచ్చారు. ఈ గ్రేటర్ ఎన్నికల్లో ఆ లోటు కనిపిస్తోందని కవిత అన్నారు. ఇప్పుడు బండ్ల గణేష్ స్థానంలో బండి సంజయ్ కామెడీ చేస్తున్నాడని కవిత వ్యంగ్యంగా వ్యాఖ్యానించారు.

నాడు బండ్ల, నేడు బండి అంటూ కవిత సెటైర్లు వేశారు. కానీ రాజకీయాలకు దూరంగా ఉన్న బండ్ల గణేష్ ను కవిత అనవసరంగా రాజకీయాల్లో లాగడంతో ఆయన తన అభిప్రాయాలను వెల్లడించారు.

తనను పొలిటికల్ కమెడియన్ గా కల్వకుంట్ల కవిత చిత్రీకరించడంపై బండ్ల గణేష్ నొచ్చుకున్నారు. ఆయన ట్విట్ట్ వేదికగా స్పందించారు. ‘తాను జోకర్ కాదని.. ఫైటర్’ అని గట్టి కౌంటర్ ఇచ్చారు. అలాగే ప్రస్తుతం తనకు రాజకీయాలతో సంబంధం లేదని ట్వీట్ చేశారు.

గ్రేటర్ ఎన్నికల ఉదాహరణ చెప్పబోయి బండ్ల గణేష్ పేరును ప్రస్తావించిన కవితను కొందరు ట్రోల్ చేస్తున్నారు. ఇది సరికాదంటూ హితవు పలుకుతున్నారు.