హవ్వా.. బాబు వీళ్లని నమ్ముతాడా?

అన్ని నమ్మకాలు అయిపోయాయి. ఇప్పుడు బాబు ఆ జూదరులపై విశ్వాసం పెంచుకున్నాడు. అవును.. జాతీయ సర్వేలన్నీ బాబు గెలుపు కష్టమంటున్నాయి.. ఏపీలో పోలింగ్ సరళి కూడా తేడా కొడుతోందన్న వార్తలు వస్తుండగా బాబు మాత్రం మేకపోతు గాంభీర్యమే ఇన్నాళ్లు ప్రదర్శించారని చెప్పక తప్పదు.. కొన్ని సర్వేలు టీడీపీ వైపు మొగ్గినా కూడా వాటిని బాబు నమ్మడం లేదు. విశ్వసనీయమైన సర్వేలు, వ్యక్తులు చెప్పే లెక్కలను పక్కనపెట్టి ముంబైలోని జూదరుల మాటను ఇప్పుడు బాబు పట్టుకున్నాడు.

తాజాగా చంద్రబాబు మాట్లాడుతూ ముంబైలోని గ్యాంబర్లు అనే బెట్టింగ్ రాయుళ్లు టీడీపీ గెలుస్తుందని చెబుతున్నారంటూ దుమారం రేపారు. బాంబేలో సట్టా అనే ఓ మార్కెట్ గ్యాంబ్లింగ్ చేస్తుంటారని.. మట్కా మాదిరిగా ఇది ఫేమస్ జూదమని.. ఇందులో కూడా టీడీపీయే గెలుస్తుందని.. పెద్ద మొత్తంలో బెట్టింగ్ కాస్తున్నారని తనకు సమాచారం వచ్చిందని బాబు మాట్లాడారు.

ఇలా జూదరులు టీడీపీ గెలుస్తుందనడం.. దాన్ని బాబు చెప్పడం కలకలం రేపింది. ఈ వీడియోను వైసీపీ విడుదల చేసి బాబును ఏకిపారేసింది. చంద్రబాబు వ్యాఖ్యల వీడియోను వైసీపీ నేత శ్రీకాంత్ రెడ్డి విడుదల చేసి టీడీపీని ఇరుకున పెట్టారు. చంద్రబాబుకు ప్రజల ఓట్లపై నమ్మకం పోయిందని.. ఈవీఎంలపై నమ్మకం లేదని.. అందుకే ఇలా జూదరులను నమ్ముకొని వారిని ప్రోత్సహిస్తున్నాడని మండిపడ్డారు. సీఎం స్థాయిలో ఉండి సట్టా మార్కెట్, మట్కాలపై మాట్లాడి చంద్రబాబు దిగజరాడని విమర్శించారు.

ఇలా ప్రమఖ సర్వే సంస్థలు, ప్రముఖ నిపుణులు చెప్పే మాటలను ఆధారంగా చేసుకొని విజయంపైన మాట్లాడాల్సిన ముఖ్యమంత్రి జూదరులను నమ్ముకోవడం.. టీడీపీ గెలుస్తుందని ప్రచారం చేసుకోవడం అందరినీ ముక్కునవేలేసుకునేలా చేస్తోంది. ఈ మాటలు విన్నాక టీడీపీ గెలుపుపై ఆపార్టీ నేతలకున్నా కనీస నమ్మకం కూడా పోయినట్టైంది. ఎన్నికల్లో ఓడిపోతున్నామని తెలిసే బాబు ఇలా స్థానిక ఎన్నికల వరకూ క్యాడర్ ను కాపాడుకునేందుకు ఇలా తంటాలు పడుతున్నాడని వైసీపీ నేతలు విమర్శిస్తున్నారు.