బీజేపీ హెడ్ క్వార్టర్స్ అడ్రస్ మారనుంది

అధికారంలో ఉన్నప్పుడు అవసరాలు ఎంతైనా వేరుగా ఉంటాయి. విపక్షంలో ఉన్నప్పటి హడావుడికి అధికారంలో ఉన్నప్పుడు ఉండే హడావుడికి సంబంధం ఉండదు కదా. ఇప్పుడు అలాంటి అవసరం బీజేపీకి ఎదురైంది. పార్టీ సమావేశాలకు.. కార్యకలాపాలకు ఇబ్బందిగా మారిన పార్టీ హెడ్ క్వార్టర్స్ ను కొత్త బిల్డింగ్ లోకి మార్చాలని బీజేపీ అధినేతలు నిర్ణయించారు. ఇప్పటివరకూ 11, అశోకా రోడ్ లో ఉన్న పార్టీ ఆపీసును ఇప్పటి అవసరాలకు తగ్గట్లు దీన్ దయాళ్ ఉపాధ్యాయ మార్గ్ లోకి మార్చాలని డిసైడ్ చేశారు.

ఏప్రిల్ లో ఒక మంచి ముహుర్తం ​చూసుకుని​ ఈ కొత్త ​భవన​ శంకుస్థాపన చే​స్తారు. ప్రస్తుత​ భవనం​ పార్టీ అవసరాలకు తగ్గట్లుగా లేకపోవటం.. స్థ​లా​భావం నేపథ్యంలో కొత్త బిల్డింగ్ నిర్మించాలని భావిస్తున్నారు. ఈ కొత్త భవనం బహుళ అంతస్తులతో నిర్మిస్తారని చెబుతున్నారు. మొత్తం ఆరు అంతస్తుల్లో ఉన్న కొత్త పార్టీ ఆఫీసులో నాలుగు బహిరంగ సభా వేదికలు.. విశాలమైన ఆరు మీటింగ్ హాల్స్.. పార్టీ ప్రధాన కార్యదర్శులకు ప్రత్యేక గదులతో పాటు.. పూర్తి వైఫై.. పర్యావరణ హితంగా ఉండే గ్రీన్ బిల్డింగ్ నిర్మాణం చేపట్టున్నట్లు తెలుస్తోంది. పవర్ లో ఉన్నప్పుడు ఆ మాత్రం ‘‘పార్టీ కార్యాలయాన్ని’’ ఏర్పాటు చేసుకోకుంటే ఏం బాగుంటుంది చెప్పండి.