18మందితో బీజేపీ రెండో జాబితా విడుదల

దుబ్బాకలో చూపించినంత దూకుడు జీహెచ్ఎంసీ ఎన్నికల్లో చూపించలేకపోతోంది బీజేపీ. అక్కడ టీఆర్ఎస్ లో నువ్వా నేనా అన్నట్టుగా తలపడ్డ కమలం పార్టీ జీహెచ్ఎంసీకి వచ్చేసరికి అభ్యర్థుల ఎంపికకే ఆపసోపాలు పడుతోంది. అధికార టీఆర్ఎస్ పార్టీ అన్నట్టుగానే దూకుడుగా 125 మంది అభ్యర్థుల జాబితాను విడుదల చేసినా సరే.. బీజేపీ ఇంకా పదుల సంఖ్యను దాటడం లేదు.

జీహెచ్ఎంసీ ఎన్నికలకు కేవలం 3 రోజులే నామినేషన్లు ఉన్నాయి. ఇప్పటికే 2 రోజులు అయిపోయాయి. ఈరోజే చివరి రోజు. ఈ క్రమంలోనే జీహెచ్ఎంసీ ఎన్నికలపై రాజకీయ పార్టీలు స్పీడ్ పెంచాయి.

అన్ని పార్టీలు పోటాపోటీగా తమ అభ్యర్థుల జాబితాను విడుదల చేస్తున్నాయి. శుక్రవారమే నామినేషన్లకు చివరి గడువు కావడంతో పార్టీలన్నీ అభ్యర్థుల ఎంపికపైనే పూర్తి దృష్టిసారించాయి.

బుధవారం 21మందితో తొలి జాబితాను విడుదల చేసిన బీజేపీ.. గురువారం మరో 18మంది అభ్యర్థులతో రెండో జాబితాను విడుదల చేసింది. అంటే ఇప్పటిదాకా కేవలం 39మంది అభ్యర్థులను మాత్రమే ప్రకటించిందన్న మాట.. రెండోవిడతలోని ఆ 18మంది వీరే..

*బీజేపీ రెండో జాబితా:
1.జంగంమెట్: మహేందర్
2.మైలార్ దేవ్‌పల్లి: శ్రీనివాస్ రెడ్డి
3.జియాగూడ: బోయిన దర్శన్
4.హయత్ నగర్ - కల్లెం నవజీవన్ రెడ్డి
5.మన్సూరాబాద్ - కొప్పుల నర్సింహారెడ్డి
6.నగోల్: చింతల అరుణ యాదవ్
7.జంబాగ్ : రూప్ ధరక్ గుడి
8.లింగోజీగూడ: రమేశ్ గౌడ్
9.కొత్తపేట: పవన్ కుమార్
10.చైతన్యపురి: నర్సింహగుప్తా
11.దత్తాత్రేయ నగర్: ధర్మేంద్ర సింగ్
12.మంగళ్ హాట్: శశికళ
13.సరూర్ నగర్: ఆకుల శ్రీవాణి
14.మల్కాపూర్: దేవర కరుణాకర్
15.గోల్కొండ: పాశం శకుంతల
16.ఝాన్సీబజార్: రేణు సోని
17.బీఎన్ రెడ్డి నగర్: లచ్చి రెడ్డి
18. చంపాపేట: మధుసూదన్ రెడ్డి