కేంద్రానికి బీజేపీ సీనియర్ ఎంపీ సూటి ప్రశ్నలు

కేంద్రంలోని సొంత బీజేపీ సర్కార్ ను ఇరుకునపెట్టేలా మరోసారి బీజేపీ సీనియర్ ఎంపీ సూటి ప్రశ్నలు వేశారు. కరోనా మూలాలపై చైనాను అమెరికా ప్రశ్నిస్తున్నా.. భారత్ మాత్రం సైలెంట్ గా ఉండటంపై బీజేపీ ఎంపీ సుబ్రహ్మణ్యస్వామి ఆసక్తికర వ్యాఖ్యలు చేశారు.

చైనాలోని వూహాన్ నుంచే కరోనా వైరస్ విడుదలైందన్న అంచనాల నేపథ్యంలో వ్యూహాన్ ప్రాజెక్ట్ పై అమెరికా సంచలన వ్యాఖ్యలు చేసింది. వూహాన్ వైరాలజీ పరిశోధనలకు అమెరికా ఆర్థిక సహకారం అందించిందని అందుకే అడగగలుగుతున్నామని ఆయన వ్యాఖ్యానించారు.

ఇక నాగాలాండ్ లో వూహాన్ జరిపిన పరిశోధనలో మన శాస్త్రవేత్తలు కూడా భాగమయ్యారని.. వారినుంచి గౌరవ వేతనం అందుకోవడం వల్లే ఇప్పుడు చైనాను ప్రశ్నించలేమని సుబ్రహ్మణ్య స్వామి పేర్కొన్నారు. మొత్తంగా ఈ కరోనా వైరస్ లీకేజీలో భారత్ ప్రమేయంపై కూడా లింకులు పెట్టి కేంద్రాన్ని ఇరుకునపెట్టేశారు బీజేపీ సీనియర్ ఎంపీ..