ఆఖ‌రికి పెళ్లిపీట‌ల‌పైనా వ‌రుడు అదే ‘ప‌ని’.. వ‌ధువు రియాక్ష‌న్ చూశారంటే..!

పెళ్లంటే.. పందిళ్లు, సంద‌ళ్లు.. త‌ప్పెట్లు, త‌లంబ్రాలు.. మాత్ర‌మే కాదు. ల్యాప్ టాప్ లు.. పెన్ డ్రైవ్ లు.. జూమ్ ఇన్ లు.. డెమోలు కూడా ఉంటాయి. ఇప్పుడు మ‌నం చెప్పుకోబోతున్నది స‌రిగ్గా అలాంటి కండీష‌న్ గురించే. స‌హ‌జంగా.. పెళ్లి పీట‌ల‌పై కూర్చున్న వ‌రుడు పండితుల మంత్రాల‌ను ‘మ మ‌’ అనిపించే పనిలో బిజీగా ఉంటాడు. కానీ.. ఈ వ‌రుడు మాత్రం ల్యాప్ టాప్ లో ఆఫీసు ప‌నిలో బిజీగా ఉన్నాడు!

కరోనా మ‌హ‌మ్మారి ప్ర‌పంచంలోని ప్ర‌తీ మ‌నిషి మీద ఎంత‌లా ఎఫెక్ట్ చూపించిందో తెలిసిందే. ఈ వైర‌స్ దెబ్బ‌కు.. ప్రజల దైనందిన జీవితం మొత్తం మారిపోయింది. ఇలాంటి పెను మార్పుల్లో ఒక‌టి వ‌ర్క్ ఫ్ర‌మ్ హోమ్‌. అస‌లు.. ఇంటి నుంచి ఆఫీసు ప‌ని చేస్తామ‌ని ఉద్యోగులు ఎప్పుడూ అనుకుని ఉండ‌రు. కానీ.. కొవిడ్ ధాటికి ప్ర‌పంచం మొత్తం త‌ల‌కిందులైపోవ‌డంతో.. ఇంటి నుంచే ప‌నిచేయాల్సిన ప‌రిస్థితి.

అయితే.. ఈ వ‌రుడు మాత్రం అంత‌కు మించి అన్న రీతిలో.. ‘వ‌ర్క్ ఫ్ర‌మ్ వెడ్డింగ్‌’ చేయడం అందరినీ ఆశ్చర్య పరిచింది. ఆ త‌ర్వాత అత‌డి ప‌రిస్థితి చూసి కాసేపు న‌వ్వుకున్నారు. ఆఫీసుకు సంబంధించిన ఏదో ముఖ్య‌మైన ప‌ని కావొచ్చు.. పెళ్లి పీట‌ల మీద‌నే కూర్చొని, ల్యాప్ టాప్ లో వ‌ర్క్ ఫినిష్ చేసి పంపించాడు. ఇందుకు సంబంధించిన వీడియోను సోష‌ల్ మీడియాలో పోస్టు చేయ‌డంతో తెగ వైర‌ల్ అవుతోంది. మీరు కూడా.. ఓ లుక్కేసుకోండి.