నరమాంసభక్షకుడు.. స్నేహితులనే చంపి తిన్నాడు.. జీవితఖైదు విధించిన కోర్టు..!

మందు పార్టీ ఇస్తానంటూ స్నేహితులను రహస్య ప్రదేశాలకు తీసుకెళ్లి హత్యచేసి వాళ్ల మాంసాన్ని తిన్న ఓ నరరూప రాక్షసుడికి రష్యా కోర్టు జీవిత ఖైదు విధించింది.

రష్యాలోని అర్ఖంగెల్క్స్‌లో ఎడ్వర్డ్‌ సెలెజ్‌నెవ్‌(51) అనే వ్యక్తి నివసిస్తున్నాడు. అతడు 2016, 2017 మధ్యకాలంలో తన ముగ్గురు స్నేహితులను చంపి తినేశాడు. మందు పార్టీ ఇస్తానంటూ స్నేహితులను ఆహ్వానించేవాడు. ఆ తర్వాత వాళ్లను ఏదైనా అటవీ ప్రాంతానికి తీసుకెళ్లి మద్యం మత్తులో ఉన్నప్పుడు వాళ్లను హత్యచేసేవాడు. ఆ తర్వాత వాళ్ల శరీరభాగాలను ముక్కలు ముక్కలుగా చేసి .. కొన్ని తినేసి మరికొన్నింటిని సమీపంలోని కాలువల్లో పడేసేవాడు. ఇలా ముగ్గురిని చంపేశాడు.

అనంతరం మృతుల్లోనే ఓ వ్యక్తి ఇంటికి వెళ్లి ఉండేవాడు. అయితే మృతుడి తల్లిదండ్రులు.. తమ కొడుకు ఏమయ్యాడని సెలెజ్​వెన్​ను అడగగా వేరే ఊరికి వెళ్లిపోయాడని అబద్ధం చెప్పాడు. అయితే ఇతడి వాలకం చూసి వాళ్లకు అనుమానం వచ్చింది. వెంటనే పోలీసులకు ఫిర్యాదు చేశారు. పోలీసులు సెలెజ్​వెన్​ను అదుపులోకి తీసుకొని ప్రశ్నించారు. వాళ్లకు కూడా ఇలాగే సమాధానాలు చెప్పాడు. అయితే ఇతడి గురించి పోలీసులు ఆరాతీయగా వాళ్లకు కొన్ని షాకింగ్​ నిజాలు తెలిశాయి.

గతంలోనూ సెలెజ్​వెన్​ ఇద్దరు వ్యక్తులను చంపేసిన కేసు అతడిమీద ఉంది. దీంతో పోలీసులు తమదైన స్టయిల్​లో విచారణ జరపగా.. నేరం అంగీకరించాడు. మొత్తం మగ్గురిని చంపి తిన్నట్టు ఒప్పుకున్నాడు. దీంతో పోలీసులు కోర్టులో హాజరు పరిచి .. సాక్ష్యాలు సమర్పించారు. కోర్టు ఏడాది జైలు శిక్ష విధించింది.