సినిమా టికెట్ కోసం బాబు అంతిచ్చారా?

దేశంలోనే ఎక్కడా లేని విధంగా బెజవాడ బస్టాండ్ లో రెండు థియేటర్లతో కూడిన మల్టీఫ్లెక్స్ ను ప్రారంభించిన సంగతి తెలిసిందే. ఏపీ ముఖ్యమంత్రి ఈ మల్టీఫ్లెక్స్ ను ఓపెన్ చేయటమే కాదు.. ఇందులో ఆయన కాసేపు సినిమా కూడా చూశారు. అయితే.. ఉత్తగా సినిమా చూడకుండా ఆయన తనవంతుగా టికెట్ కొనుక్కొని మరీ సినిమా చూశారు.

సినిమా టికెట్ అంటే వంద చాలామందికి తెలుసు. రూ.250 కొద్దిమందికి తెలుసు. బెంగళూరుతో దోస్తానా ఉన్న వారికి అయితే.. రూ.500 వరకూ టికెట్ తెలుసు. మరి.. బాబు కొన్న టికెట్ ఎంతో తెలిస్తే మాత్రం ఆశ్చర్యపోవాల్సిందే. ఎందుకంటే.. సినిమా టికెట్ కొన్న బాబు టికెట్ కోసం చెల్లించింది ఎంతో తెలుసా? అక్షరాల రూ.1200. తన ఒక్కడి కోసం టికెట్ కొన్నారో.. లేక తన చుట్టూ ఉన్న వారందరికి కలిపి టికెట్ కొన్నారో కానీ.. రూ.1200 పెట్టి టికెట్ తీసుకోవటం అందరి దృష్టిని ఆకర్షించింది.

థియేటర్ లోపలికి వెళ్లిన చంద్రబాబు కాసేపు మహేశ్ బాబు నటించిన ‘శ్రీమంతుడు’ని కాసేపు చూశారు. ముఖ్యమంత్రితో పాటు పలువురు నేతలు.. ఆర్టీసీ సిబ్బంది కూడా సినిమా చూశారు.