అమరావతి కోసం చంద్రబాబు-దేవాన్ష్

ఓవైపు తన రాజకీయ వారసుడిగా లోకేష్ ను రెడీ చేస్తున్న చంద్రబాబు.. అప్పుడే తన మనవడిని కూడా జనాల్లోకి తెచ్చేస్తున్నాడు. ఆంధ్రప్రదేశ్ కొత్త రాజధాని కోసం తన ముద్దుల మనవడు దేవాన్ష్ తోనూ ప్రచారం చేయించేస్తున్నాడు చంద్రబాబు. దసరా రోజు ‘అమరావతి’కి శంకుస్థాపన జరగనున్న నేపథ్యంలో ‘మన అమరావతి మన రాజధాని’ నినాదాన్ని చంద్రబాబు సర్కారు విస్తృతంగా ప్రచారం చేస్తున్న సంగతి తెలిసిందే.

చంద్రబాబు సైతం ఆ నినాదం రాసిన పలకతో ఫొటోలకు పోజులిచ్చాడు. పనిలో పనిగా తన మనవడు, లోకేష్-బ్రాహ్మణిల తనయుడు దేవాన్ష్ తోనూ ఈ నినాదానికి ప్రచారం కల్పించాడు బాబు. ఐతే దేవాన్ష్ 21వ శతాబ్దం బుల్లోడు కదా.. బాబులా పలకతో కాకుండా ట్యాబ్ తో ఫొటోలకు పోజిచ్చాడు. ఏమో ఈ కుర్రాడే.. అమరావతి నిర్మాణం పూర్తయ్యే సమయానికి అక్కడ రాజకీయాల్లో ప్రముఖ పాత్ర పోషిస్తాడేమో. దానికి ఈ ఫొటోనే నాందిగా నిలుస్తోందేమో.