వైరల్: బాలయ్య లెవల్లో భూమిని ముద్దాడిన బాబు

టీడీపీ అధినేత చంద్రబాబు అమరావతిలో పర్యటించారు. తన కలల రాజధాని ఎలా ఉందో చూద్దామని అక్కడి నేలపై అడుగిడినారు. ఇక అంతకుముందే బాబుకు షాకిస్తూ రాజధాని రైతులు ఏర్పాటు చేసిన ఫ్లెక్సీలు బాబును అవమానపరిచాయి. మమ్ముల్ని ముంచేశావంటూ బాబుకు ఫ్లెక్సీలతో నిరసన తెలిపారు రాజధాని రైతులు.

అయితే ఇలాంటి ఉద్రిక్త పరిస్థితుల నడమ అమరావతిలో చంద్రబాబు పర్యటన కొనసాగుతోంది. నవ్యాంద్ర రాజధాని అయిన అమరావతిలో ఏం జరుగుతుందో వాస్తవాలు తెలుసుకోవడానికి వచ్చానంటూ చంద్రబాబు తెలిపారు. అమరావతిలో పర్యటించి వాస్తవాలు చెబుతానన్నారు.

తాజాగా రాజధాని అమరావతి లోని ఉద్దండరాయునిపాలెం వచ్చిన చంద్రబాబు అక్కడ రాజధాని కోసం శంకుస్థాపన చేసిన ప్రదేశానికి చేరుకున్నారు. శంకుస్థాపన ప్రదేశంలో నేలను ముద్దాడి తన బావమరిది బాలక్రిష్ణ చిత్రంలోని నేలను ముద్దాడిన సీన్ ను గుర్తుకు తెచ్చారు.కొంచెం ఎమోషనల్ కూడా అయ్యారు. బాబు గారు నేలను ముద్దాడిన పిక్ మాత్రం సోషల్ మీడియాలో తెగ వైరల్ అవుతోంది.

చంద్రబాబు ప్రస్తుతం అమరావతి రాజధాని ప్రాంతంలో పర్యటిస్తున్నారు. అక్కడి నిర్మాణాలు, రైతుల సమస్యలను తెలుసుకుంటున్నారు. సాయంత్రం ప్రెస్ మీట్ లో తన బాధనంతా కక్కేయనున్నారు.