చంద్రబాబు చెప్పిన కిక్కు లెక్క ఏమిటంటే..?

ఏపీ ముఖ్యమంత్రి చంద్రబాబు ఒక సీక్రెట్ చెప్పుకొచ్చారు. అయితే.. అది ఎవరి గురించో కాదు.. తన గురించిందే సుమా. అంతేకాదు.. తనకొచ్చే కిక్కు లెక్క కూడా చెప్పారు. పని యంత్రం మాదిరి పని చేసే బాబు.. ఎప్పుడూ అలిసిపోయినట్లు అస్సలు కనిపించరు.నిత్యం బిజీబిజీగా ఉంటూ.. పొద్దున్నే ఎంత అలెర్ట్ గా కనిపిస్తారో.. పొద్దుపోయిన తర్వాత కూడా అంతే ఉత్సాహంగా కనిపించటం బాబు ప్రత్యేకత.

అలాంటి బాబు తాజాగా వైజాగ్ లో తమ ప్రభుత్వం ప్రతిష్ఠాత్మకంగా చేపట్టిన ఫైబర్ గ్రిడ్ ప్రాజెక్టు తొలి దశను ప్రారంభించారు. ఈ సందర్భంగా ఆయన కొంతమంది విద్యార్థులతో ముచ్చటించారు. ఈ సందర్భంగా విద్యార్థులు ఆయన్ను ఒక ప్రశ్న వేశారు. మీరు అంత ఉత్సాహంగా ఎలా ఉండగలుగుతారన్న సందేహాన్ని వారు వ్యక్తం చేస్తే.. బాబు ఏం చెప్పారంటే..

తాను చేసే పనిని అస్వాదిస్తానని.. అందుకే తనకు పని పట్ల అలసట అనిపించదని.. తాను ఏ పని చేసినా దాన్ని ఎంజాయ్ చేయటమే దీనికి కారణమని చెప్పుకొచ్చారు. ఎంజాయ్ చేస్తూ చేసే పని వల్ల మంచి ఫలితాలు వస్తాయని.. దాంతో మంచి కిక్కు వస్తుందని చెప్పుకొచ్చారు. బాబు నోటి నుంచి ఇలాంటి మాటలు వింటుంటే ఆ కిక్కే వేరు కదా.