క్లాస్ మేట్ ను రేప్ ఎలా చేయాలంటూ వాట్సాప్ లో ఛాటింగ్

మహా అయితే తొమ్మిదో తరగతి. లేదంటే పదో తరగతి. ఇలాంటి వయసులోని వారిని పిల్లలుగానే చూస్తుంటారందరూ. కానీ.. అలాంటివారిలో కలుగుతున్న మానసిక వికారాలు.. వారి ఆలోచనల గురించి తెలిసిన వారు షాక్ తింటున్నారు. ఇంతకీ విషయం ఏమంటే.. ముంబయిలోని ఒక ప్రముఖ ఇంటర్నేషనల్ బిజినెస్ స్కూల్లోని 13.. 14 ఏళ్ల విద్యార్థులు తమ క్లాస్ మేట్స్ ను ఎలా రేప్ చేయాలి? ఎలా గ్యాంగ్ రేప్ చేయాలన్న ఆలోచనలు చేస్తున్న షాకింగ్ నిజాన్ని గుర్తించారు.

దీనికి సంబంధించి కొందరు విద్యార్థులు వాట్సాప్ లో ఛాటింగ్ చేసిన విషయాలు బయటకు రావటం కలకలాన్ని రేపుతోంది. సమాజంలో ఉన్నత ఆదాయ వర్గాల వారు మాత్రమే చదువుకునే స్కూళ్లలో ఇలాంటి పరిస్థితులు ఏమిటని అవాక్కు అవుతున్నారు. దుర్మార్గమైన రీతిలో ఛాటింగ్ చేస్తున్న వైనాన్ని గుర్తించిన ఒక విద్యార్థి తల్లిదండ్రులు.. తమ పిల్లలు చేస్తున్న పని గురించి విషయాల్ని బయటపెట్టటం.. ఈ విషయం బయటకు వచ్చింది.

ఒక ప్రముఖ దినపత్రిక కథనం ప్రకారం.. ఛాటింగ్ లో విద్యార్థులు అత్యంత దారుణమైన వ్యాఖ్యలు చేసుకున్నట్లు గుర్తించారు. దాన్ని బీభత్సంగా.. చేయాలని ఉండటం దీనికో ఉదాహరణగా చెబుతున్నారు. అంతేకాదు.. ఒక విద్యార్థి ఛాటింగ్ లో అయితే.. వాడిని వాళ్ల నాన్న రేప్ చేశాడని కూడా ఉందట. ఈ విషయం గురించి బయటకు రావటంతో షాక్ తిన్న స్కూల్ యాజమాన్యం మొత్తం ఎనిమిది మంది విద్యార్థుల్ని సస్పెండ్ చేస్తూ నిర్ణయం తీసుకుంది. ఈ ఛాటింగ్ విషయం బయటకు రావటంతో.. ఆ ప్రముఖ స్కూల్లో చదువుతున్న అమ్మాయిలు స్కూల్ కు వెళ్లటానికి సైతం భయపడుతున్నట్లు తెలుస్తోంది.