శ‌బ‌రిమ‌లపై చ‌ట్టం మ‌సీదుపై ప‌ని చేయ‌దా?

గత కొన్ని రోజులుగా శబరిమల ఆలయంలోకి మహిళలు ప్రవేశం పై వివాదం అవుతున్న విష‍యం తెల్సిందే. సుప్రీం కోర్టు పది సంవత్సరాల వయస్సు నుంచి 50 సంవత్సరాల మహిళలకు ఆలయంలోకి ప్రవేశం కల్పిస్తు ఉత్తర్వులు జారీ చేసింది. అయితే ఈ తీర్పుకు వ్యతిరేకిస్తు పలు సంస్దలు ఆందోళనలు చేపట్టాయి. ఈ తీర్పుపై చిన్నజీయర్ స్వామీ ఎట్టకేలకు స్పందించారు. ఆదివారం నాడు ఓ కార్యక్రమంలో మాట్లాడుతూ ఆలయ నియమ నిబంధనలు ప్రతి ఒక్కరూ గౌరవించాలని ఆయన అన్నారు. హిందూ ఆలయమైన శబరిమల విషయంలో జోక్యం చేసుకుని తీర్పు చెప్పిన సుప్రీం కోర్టు - మసీదు విషయంలో ఇలాంటి తీర్పును ఇవ్వగలదా..? అని ప్రశ్నించారు. భారతదేశంలో అత్యున్నత న్యాయస్దానం తీర్పు ఆగమ శాస్త్రాలకు వ్యతిరేకంగా ఉందని - ఇది ఏమాత్రం మంచిది కాదని ఆయన అన్నారు. హిందు దేవాలయాలు - శాస్త్రాల విష‍యంలో రాజకీయ జోక్యం ఎక్కవైందని - ప్రతి ఆలయానికి కొన్ని నిబంధనలు ఉంటాయని - దేవుడిని నమ్మె వారంతా ఆ నియమాలను గౌరవించాలని ఆయన అన్నారు. రాజ్యంగం పరిధిలో మన శాస్త్రాలకు రాజ్యంగం కొన్ని హక్కులు కల్పించిదని - వాటిపై ఇతరుల పెత్తనం సాగిస్తున్నారని ఆయన ఆవేదన వ్యక్తం చేశారు.

శబరిమల ఆలయానికే కాదు ప్రతి ఆలయానికి కూడా కొన్ని నియమ నిబంధనలు ఉంటాయని - ప్రజల మనోభావాలకు అనుగుణంగానే కోర్టులు కూడా తీర్పులు ఇవ్వాలని ఆయన అన్నారు. శబరిమల అయ్యప్ప స్వామి ఆలయ విషయంలో లేనిపోని రాద్దాంతం చేస్తున్నారని - ఈ విషయాలన్ని అనవసరంగా రాజకీయం చేస్తున్నారని ఆయన అన్నారు. ఈ ప్రపంచంలో పుట్టిన ప్రతి ప్రాణికి స్వేచ్చగా బ్రతికే హక్కు ఉందని - అయితే ఆ స్వేఛ్చ సమాజానికి ప్రమాదం లేకుండా చూసుకోవాలని అన్నారు.

శరీరంలో అన్ని అవయవాలు సరిగ్గా పనిచేస్తేనే ఆ మనిషి ఆరోగ్యంగా ఉన్నట్లు. అలాగే సమాజంలో అందరూ కూడా, అందరినీ సమంగా చూడాలని - సమతాభావం అలవర్చుకోవాలని అన్నారు. మానవ దేహం ఇతరులను సమానంగా చూడగలిగితేనే మానవత్వం అవుతుందని - అప్పుడే ఈ మానవ దేహం అందరికీ ఆదర్శం అవుతుందని చిన్నజీయర్ స్వామి అన్నారు. త్వరలో స్టాచ్యూ ఆఫ్‌ ఈక్వాలిటీ పేరిట భగవాన్ రామానుజాచార్యుల 216 అడుగుల విగ్రహన్ని నెలకొల్పుతామని అన్నారు. ఈ కట్టడం 70 ఎకరాలు విస్తీర్ణంలోన ఉంటుందని అన్నారు. వచ్చే సంవత్సరానికి దీనిని పూర్తి చేస్తామని - ఈ విగ్రహన్ని ప్రధాని నరేంద్ర మోదీ ఆవిష్కరిస్తారని చెప్పారు.