ఆ అమ్మాయిల జోరు.. గేల్​ జోష్ సూపర్బ్ ..!

‘జమైకా టు ఇండియా’ అంటూ యూనివర్సల్​ బాస్​ క్రిస్​ గేల్​ విడుదల చేసిన ఓ పాట యూట్యూబ్​ లో సంచలనం సృష్టిస్తున్నది. కేవలం 24 గంటల్లోనే 40 లక్షల వ్యూస్​ సాధించింది. క్రిస్​ గేల్​ కు ప్రపంచవ్యాప్తంగా అభిమానులు ఉన్నారన్న విషయం తెలిసిందే. ప్రస్తుతం అతడు ఐపీఎల్​ లో పంజాబ్​ కింగ్స్​ తరఫున ఆడుతున్నాడు.

గేల్​ క్రీజ్​ లోకి వచ్చాడంటే అభిమానులకు పూనకం వచ్చేస్తుంది. ఎంతో సింపుల్​గా అతడు సిక్సులు బాదుతుంటే ప్రేక్షకులకు అలాగే చూడాలని అనిపిస్తుంది. ఇక ప్రత్యర్థి బౌలర్లకు, ఫీల్డర్స్​ కు గేల్​ క్రీజ్​ లో ఉన్నప్పుడు వెన్నులో వణుకు పుడుతుంది. ఫీల్డర్స్​ కు మరో సౌలభ్యం ఏమిటంటే అతడు బ్యాటింగ్​ చేస్తే ఎక్కువగా పరుగెత్తి బంతిని పట్టుకోవాల్సిన అవసరం లేదు. ఎందుకంటే గేల్​ ఎక్కువగా సిక్సర్లకే ప్రాధాన్యం ఇస్తాడు. అందుకే ఐపీఎల్​ లో అత్యధిక సిక్సర్లు బాదిన బ్యాట్స్​ మెన్​ గా చరిత్ర సృష్టించాడు.

జమైకాలో పుట్టిన గేల్​.. బ్యాటింగ్​ స్టయిల్​ నచ్చని క్రికెట్​ అభిమాని ఉండరేమే. ఈ సారి కూడా పంజాబ్​ కింగ్స్​ తరఫున గేల్​ ఆడుతున్నాడు. ఇవాళ అతడు ఎంట్రీ ఇవ్వబోతున్నాడు ఎందుకంటే నేటి సాయంత్రం పంజాబ్​ కింగ్స్​ వర్సెస్​ రాజస్థాన్​ రాయల్స్​ మ్యాచ్​ జరుగనున్నది. ఇదిలా ఉంటే గేల్​ ఇవాళ ఎటువంటి ప్రదర్శన ఇస్తాడోనని అంతా ఎదురుచూస్తున్నారు.

ఇదిలా ఉంటే ’జమైకా టు ఇండియా’ వీడియో సాంగ్​ యూట్యూబ్​ లో దుమ్మురేపుతోంది. కేవలం 24 గంటల్లోనే ఈ వీడియో 40 లక్షల వ్యూస్​ సాధించింది. ఈ వీడియోలో బికినీ బేబీస్​ తో క్రిస్​ గేల్​ డ్యాన్స్​ చేస్తూ ఆకట్టుకుంటున్నాడు. ప్రముఖ బాలీవుడ్​ ర్యాపర్​ ఎమినే బంటాయ్​ ఈ పాటను కంపోజ్​ చేశారు. హిందీలో సాగే ఆ పాట నెటిజన్లను విశేషంగా ఆకట్టుకుంటున్నది.

' గల్లీ బోయ్​' చిత్రంతో ఫేమస్​ అయిన ఎమినే బంటాయ్​ గేల్​తో కలిసి స్టెప్పులను అదరగొట్టాడని నెటిజన్లు ప్రశంసలు కురిపిస్తున్నారు.
గేల్ ఈ వీడియోను ఇన్​ స్టాలో పోస్ట్​ చేయగా అది వైరల్ గా మారింది. ఈ వీడియోకు సంబంధించి ఫ‌స్ట్ లుక్‌ ను ఈ నెల 1నే బాంటాయ్ రిలీజ్ చేశాడు. దీంతో ఈ వీడియోపై ఆసక్తి నెలకొన్నది. బాంటాయ్‌ తో క‌లిసి ఈ వీడియో చేయ‌డం చాలా సంతోషంగా ఉంద‌ని గేల్ అన్నాడు.