కేసీఆర్ కు కడియం విందు.. మెనూ లిస్టు చూస్తే అవాక్కే

చూసేందుకు బక్క పల్చగా కనిపించే సీఎం కేసీఆర్ మాంచి ఫుడీ. ఆయనకున్న జిహ్వచాపల్యానికి తగ్గట్లే ఆయన మాంచిగా ఫుడ్ తీసుకుంటారని చెబుతారు. అంతేకాదు.. విందును హోస్ట్ చేయటంలో ఆయన తర్వాతే ఎవరైనా. ఎవరి మీదనైనా ప్రేమ పొంగుకు వస్తే.. భోజనానికి పిలిచేస్తారు కేసీఆర్. ఆయనిచ్చే విందుకు హాజరైన వారెవరూ ఆ అనుభవాన్ని ఎప్పటికి మర్చిపోలేరని చెబుతారు.

అలాంటి కేసీఆర్ కు..ఈసారి కాస్త భిన్నమైన అనుభవం ఎదురైంది. తాజా వరంగల్ టూర్ లో ఆయనకు విందును ఇచ్చారు మాజీ మంత్రి కడియం శ్రీహరి. టీడీపీ నాటి నుంచి మాంచి దోస్త్ అయిన కేసీఆర్ ను తన ఇంటికి ఆహ్వానించారు. ఆ మధ్యన ఆయన్ను పక్కన పెట్టిన కేసీఆర్.. ఈ మధ్యన కాస్త ఎక్కువగానే దగ్గరకు తీస్తున్నారు. రాజకీయాల్ని పక్కన పెడితే.. తన ఇంటికి వచ్చిన కేసీఆర్ కు పసందైన వంటకాలతో వావ్ అనిపించేలా చేయటమే కాదు.. ఆయన కడుపు నింపేసిన ఘనత కడియం సొంతమైంది.

విందును పూర్తిస్థాయిలో అస్వాదించిన సీఎం కేసీఆర్.. ఇక నుంచి వరంగల్ కు ఎప్పుడు వచ్చినా భోజనానికి మాత్రం కడియం శ్రీహరి ఇంటికే రావాలని ఉందని చెప్పటం విశేషం. అంతలా కేసీఆర్ మనసును దోచేసిన కడియం ఇంటి మెనూ చూస్తే.. ఇన్ని వెరైటీలా? అని ఆశ్చర్యపోక తప్పదు. ఫుల్ గా తిని ఎంజాయ్ చేసిన కేసీఆర్ కు చివరగా.. దానిమ్మ జ్యూస్ ఇచ్చేసి కడియం అతిధ్యానికి ఫిదా అయ్యేలా చేశారు. కేసీఆర్ కు వడ్డించిన మెనూలోని ఐటెమ్స్ చూస్తే..
- మటన్
- తలకాయ కూర
- చికెన్
- చేపల కూర
- రొయ్యల ఫ్రై
- నాటుకోడి పులుసు
- చికెన్ దమ్ బిర్యానీ
- పెసరపప్పు టమోటా
- బీరకాయ కూర
- బెండకాయ ఫ్రై
- టమాటా - పుదీనా పచ్చడి
- ఉల్లిపాయ పచ్చడి
- రైతా
- పెరుగు
- ఫ్రూట్ సలాడ్
- మరో స్వీట్