పవన్ పాటకు అదిరిపోయే స్టెప్పులు వేసిన ఎంపీ !

ఆంధ్రప్రదేశ్ ఎంపీ , సీఎం రమేష్ తన కుమారుడు రిత్విక్ నిశ్చితార్ద వేడుకని దుబాయ్ లో అతిరధ మహారథుల మధ్య అత్యంత వైభవంగా నిర్వహించారు. పారిశ్రామిక వేత్త రాజా తాళ్లూరి కుమార్తె పూజాతో నిశ్చితార్ధం ఖరారైన సమయం నుండి సీఎం రమేష్ ఈ వేడుక నిర్వహణ కోసం ప్రత్యేక ఏర్పాట్లు చేసారు. .దుబాయ్ లోని వాల్డాఫ్ర్ అస్టోరియా, రసాల్ ఖైమా లో వేదిక ఖరారు చేసారు. ఒకరకంగా చెప్పాలి అంటే ..వివాహాన్ని కూడా ఈ రేంజ్ లో చేయడానికి కొందరు భయపడతారు..అలాంటిది సీఎం రమేష్ నిచ్చితార్దాన్ని ఇంత వైభవంగా నిర్వహించారు. ఈ వేడుకకి బీజేపీ..టీడీపీ..తో పాటుగా వైసీపీ నేతలకు కొందరికి సీఎం రమేష్ ఆహ్వానాలు అందించారు.

అతిధులు వేడుకకు హాజరయ్యేందుకు.. ఇందు కోసం వారు దుబాయ్ చేరుకోవటానికి ప్రత్యేకంగా 15 విమానాలను ఏర్పాటు చేసారు. దుబాయ్ లో వేడుక కోసం ఎంపిక చేసిన వెన్యూ సైతం అదే స్థాయిలో అలంకరించారు. ఇకపోతే అసలు విషయం ఏమిటంటే .. తన కుమారుడి వివాహ నిశ్చితార్ధ వేడుకల్లో సీఎం రమేష్ స్పెషల్ ఎట్రాక్షన్ గా నిలిచారు. పవన్ కళ్యాణ్ అత్తారింటికి దారేది సినిమా పాటకు ఆయన భార్యతో కలిసి స్టెప్పులేశారు. ఆయన కొడుకు రిత్విక్ ఎంగేజ్మెంట్ ఫంక్షన్ సందర్భంగా జరిగిన వేడుకల్లో సరదాగా కనిపించారు. సీఎం రమేష్ డ్యాన్స్ చూసిన అతిథులంతా ఈలలు కొడుతూ ఎంకరేజ్ చేశారు. ఈ కపుల్ చేసిన డ్యాన్స్ వీడియో ఇప్పుడు నెట్టింట్లో వైరల్‌గా మారింది.