గల్లా కాదు నేనే అంటున్న ''సీఎం''

ఏపీ ఒలింపిక్‌ అసోసియేషన్‌ ఎన్నికల విషయంలో సాగుతున్న రచ్చకు సంబంధించి కాస్తంత వివరణ ఇచ్చే ప్రయత్నం చేశారు ఏపీ ముఖ్యమంత్రికి అత్యంత కీలకమైన సీఎం రమేష్‌. కొద్దిరోజుల కిందట ఏపీ ఒలింపిక్‌ అసోసియేషన్‌కు.. ఎంపీ గల్లా జయదేవ్‌ ఎన్నికయ్యారంటూ ప్రకటన వెలువడింది.

అయితే.. దానికి ఎలాంటి చట్టబద్ధత లేదని చెబుతున్న సీఎం రమేష్‌.. తాను మాత్రమే పోటీ చేస్తున్నట్లు చెప్పారు. ఎంపీ గల్లా జయదేవ్‌ ఎన్నికైనట్లు తప్పుడు సమాచారం ఇచ్చారని.. తాను మాత్రమే పోటీ చేస్తున్నానని.. బరిలో దిగటానికి ముందే ఏపీ ముఖ్యమంత్రి చంద్రబాబు అనుమతి తీసుకున్నట్లు వెల్లడించారు.

అయినా.. బాబుకు జేబు మనిషి అయిన సీఎం రమేష్‌కు అవకాశం ఇవ్వకుండా.. నిన్నగాక మొన్న పార్టీలోకి వచ్చిన గల్లా జయదేవ్‌కు పదవులు ఇచ్చేస్తారా? అయినా.. సీఎం రమేష్‌ను కాదని.. బాబు ఎవరికి మాత్రం ఎంపిక చేయగలరు?