సామాజికవ్యాప్తికి కరోనా.. చేతులెత్తేసిన చైనా.. దారుణ పరిస్థితులు

ఈ పరిస్థితుల్లోనే చైనా అధికారిక మీడియా ది గ్లోబల్ టైమ్స్ ప్రకారం... చైనా జాతీయ ఆరోగ్య కమిషన్.. దేశంలోని కోవిడ్ కేసు గణాంకాలను ప్రతిరోజూ జారీ చేసేది. ఆదివారం నుండి వెల్లడించడం లేదని ఆపివేసింది.

"చైనా యొక్క నేషనల్ హెల్త్ కమిషన్ (ఎన్.హెచ్.సీ) ఆదివారం నుండి రోజువారీ కరోనా కేసు డేటాను ప్రచురించడం ఆపివేస్తుంది.చైనీస్ సెంటర్ ఫర్ డిసీజ్ కంట్రోల్ అండ్ ప్రివెన్షన్ అధ్యయనం ,సూచనలు , కోవిడ్ సమాచారాన్ని విడుదల చేస్తుంది," ఒక ప్రకటనలో తెలిపింది.

వెబ్‌సైట్‌లో జాతీయ ఆరోగ్య కమిషన్ శనివారం కోవిడ్ కేసు గణాంకాలను శుక్రవారం ఇచ్చింది. చైనా దేశంలో 4,128 కొత్త ఇన్‌ఫెక్షన్లు నమోదయ్యాయి. దేశంలో కొత్త మరణాలు లేవని నివేధించింది.

డిసెంబర్ 23న, 1,760 మంది రోగులు కోలుకున్న తర్వాత ఆసుపత్రి నుండి విడుదల చేయబడ్డారు. సోకిన రోగులతో సన్నిహిత సంబంధాలు కలిగి ఉన్న 28,865 మంది వైద్య పరిశీలన నుండి విముక్తి పొందారు. తీవ్రమైన కేసుల సంఖ్య 99 పెరిగింది.

నెల మొదటి వారంలో 'జీరో-కోవిడ్ పాలసీ' ని ఎత్తేసిన కేవలం 20 రోజుల్లోనే చైనాలో దాదాపు 250 మిలియన్ల మంది ప్రజలు కోవిడ్-19 బారిన పడి ఉండవచ్చని నివేదిక తేల్చింది. సోషల్ మీడియాలో ప్రసారం అవుతున్న లీకైన ప్రభుత్వ పత్రాల ప్రకారం, డిసెంబర్ 1 నుండి 20 వరకు 248 మిలియన్ల మంది ప్రజలు కోవిడ్ -19 బారిన పడ్డారు. చైనా జనాభాలో ఇది 17.65 శాతం అని తెలిసింది.దీంతో భయాందోళనలు వ్యక్తమవుతున్నాయి. చైనాను కరోనా పట్టేసిందని అర్థమవుతోంది. డిసెంబర్ 20 న ప్రభుత్వ అధికారులు విడుదల చేసిన కోవిడ్ కేసుల డేటా వాస్తవానికి భిన్నంగా ఉంది, దాదాపు 37 మిలియన్లు అంచనా వేయబడ్డాయి. ఈ పత్రం వాస్తవమేనని, ఉద్దేశపూర్వకంగా, ప్రజా ప్రయోజనాలను దృష్టిలో ఉంచుకుని సమావేశానికి హాజరైన వ్యక్తి ఈ పత్రాన్ని లీక్ చేశారని చైనా సీనియర్ జర్నలిస్టు ఒకరు గురువారం బయటపెట్టారు.

బ్రిటీష్ ఆధారిత ఆరోగ్య డేటా సంస్థ ఎయిర్‌ఫినిటీ కూడా చైనాలో ఇన్‌ఫెక్షన్లు రోజుకు ఒక మిలియన్ కంటే ఎక్కువ ఉండే అవకాశం ఉందని, రోజుకు 5,000 కంటే ఎక్కువ మరణాలు సంభవిస్తాయని చెప్పారు.

ప్రస్తుత వ్యాప్తి ఇతర ప్రాంతాల కంటే కొన్ని ప్రాంతాలలో వేగంగా పెరుగుతోంది. ప్రస్తుతం బీజింగ్ మరియు గ్వాంగ్‌డాంగ్‌లలో కేసులు చాలా వేగంగా పెరుగుతున్నాయి. " ప్రస్తుతం కేసులు పెరుగుతున్న ప్రాంతాలలో మొదటి వేవ్ అంచనా వేసింది. ఇతర చైనీస్ ప్రావిన్సులలో తరువాత పెరుగుదల కారణంగా రెండో వేవ్ వచ్చింది" అని అధికారులు తెలిపారు. వీరి అంచనా ప్రకారం జనవరిలో గరిష్టంగా రోజుకు 3.7 మిలియన్లకు , మార్చి 2023లో రోజుకు 4.2 మిలియన్లకు ఈ కేసులు చేరుకోవచ్చని అంచనా వేసింది.

వ్యాక్సిన్‌లు , ఎపిడెమియాలజీ హెడ్ డాక్టర్ లూయిస్ బ్లెయిర్ మాట్లాడుతూ, "చైనా సామూహిక పరీక్షలను నిలిపివేశాం. ఇకపై లక్షణరహిత కేసులను నివేదించడం లేదు. దేశవ్యాప్తంగా వ్యాప్తి చెందుతున్న వ్యాప్తికి అడ్డుకట్టడం వేయడం సాధ్యం కావడం లేదని ఆయన ఆందోళన వ్యక్తం చేశారు.

"పాజిటివ్ పరీక్ష తర్వాత శ్వాసకోశ వైఫల్యం లేదా న్యుమోనియాతో మరణించిన వారిని మాత్రమే కోవిడ్19 మరణాలను నమోదు చేసే విధానాన్ని చైనా కూడా మార్చింది. పాజిటివ్ పరీక్ష లేదా కోవిడ్19 ఉన్న సమయంలో మరణాలను నమోదు చేసే ఇతర దేశాలకు ఇది భిన్నంగా ఉంటుంది. మరణానికి కారణం అని నమోదు చేయబడింది.ఈ మార్పు చైనాలో కనిపించే మరణాల పరిధిని తగ్గిస్తోంది. కానీ అక్కడ మరణ మృదంగం వినిపిస్తోందని తెలుస్తోంది.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.