ఇండియ‌న్‌ షేర్ మార్కెట్ పై సైబ‌ర్ దాడి.. 25 ల‌క్ష‌ల మంది డేటా చోరీ!

దేశీయ స్టాక్ మార్కెట్ పై సైబ‌ర్ ఎటాక్ జ‌రిగింది. దేశంలోనే రెండో అతిపెద్ద స్టాక్ బ్రోకింగ్ ఫామ్ నుంచి ఏకంగా 25 ల‌క్ష‌ల మంది డేటా చోరీ చేసిన‌ట్టు తెలుస్తోంది. ఎంతో ప‌క‌డ్బందీగా ఉండే ర‌క్ష‌ణ వ్య‌వ‌స్థ‌ను ఛేదించి మ‌రీ ఈ స‌మాచారం కొట్టేశారు హ్యాక‌ర్లు. ప్ర‌స్తుతం ఇందులో కొంత మొత్తాన్ని ‘డార్క్ వెబ్’ లో వేలానికి పెట్టినట్టు తెలుస్తోంది.

ఇండియాలో రెండో అతిపెద్ద స్టాక్ బ్రోక‌ర్ ‘అప్ స్టాక్స్’ రిటైల్ బ్రోకింగ్ ఫామ్ పై ఈ దాడి జ‌రిగింది. అయితే.. ఇన్వెస్ట‌ర్లు భ‌య‌ప‌డాల్సింది ఏమీ లేద‌ని, స‌మాచారం అంతా క్షేమంగానే ఉంద‌ని సంస్థ స‌హ వ్య‌వ‌స్థాప‌కుడు, సీఈవో ర‌వికుమార్ ప్ర‌క‌టించారు.

సెక్యూరిటీస్ తోపాటు క‌స్ట‌మ‌ర్ల ఫండింగ్ అంతా భ‌ద్రంగా ఉంద‌ని ఆయ‌న వెల్ల‌డించారు. ఈ డేటాకు సంబంధించిన శాంపిల్ ను మాత్ర‌మే హ్యాక‌ర్లు డార్క్ వెబ్ లో ఉంచార‌ని చెప్పారు. అయితే.. ముంద‌స్తు చ‌ర్య‌ల్లో భాగంగా అంద‌రికీ సెక్యూర్ పాస్ వ‌ర్డ్ ఇస్తున్నామ‌ని, అదేవిధంగా.. ఓటీపీతోనే ట్రాన్సాక్ష‌న్స్ జ‌రిగేలా చూస్తున్నామ‌ని తెలిపారు. ఈ వ్య‌వ‌హారంపై రోజంతా మానిట‌రింగ్ చేస్తున్నామ‌ని, ఎవ్వ‌రూ ఆందోళ‌న చెందాల్సిన అవ‌స‌రం లేద‌ని ఆయ‌న తెలిపారు.

కాగా.. ఈ దాడి విషయం తెలుసుకొని ఇన్వెస్టర్లు తీవ్ర ఆందోళనకు గురవుతున్నారు. తమ డబ్బుల గురించి, అకౌంట్ డీటెయిల్స్ గురించి భయపడుతున్నారు. తక్షణ చర్యలు తీసుకోవాలని కంపెనీని కోరుతున్నారు.