ఆ టాప్ మోడల్ డ్రగ్స్ సప్లై చేస్తుందట

కర్ణాటకకు చెందిన ఒక ప్రముఖ మోడల్ పోలీసులు అరెస్ట్ చేశారు. సన్నజాబి మొగ్గలా కనిపించే ఈ అందాల భామ బ్యాక్ గ్రౌండ్ గురించి తెలిస్తే షాక్ తినాల్సిందే అని చెబుతున్నారు. ర్యాంప్ మీద హోయలు పోయే ఈ అమ్ముడు డ్రగ్స్ ను సఫ్లై చేస్తుందన్నది కర్ణాటక పోలీసులు చెబుతున్నారు. సంచలనం సృష్టించిన ఈ ఉదంతంలోకి వెళితే..

కర్ణాటకలోని చిక్ మంగళూరుకు చెందిన 26 ఏళ్ల ప్రముఖ మోడల్ దర్శత్మిత గౌడ్ కు డ్రగ్ రాకెట్ లో సంబంధం ఉందని అనుమానిస్తున్నారు. పలు రకాల డ్రగ్స్ ను ఆమె బెంగళూరు.. మంగళూరు.. గోవాలోని విద్యార్థులతో పాటు.. ఇతరులకు సరఫరా చేసే ముఠాలతో సంబంధం ఉందని చెబుతున్నారు. గత కొద్ది రోజులుగా ఆమ మీద అనుమానంతో నిఘా పెట్టిన అధికారులు.. ఆమె నివసిస్తున్న అపార్ట్ మెంట్లో 110 గ్రాముల కొకైన్.. 19 గ్రాముల హఫీస్.. మరికొన్ని మత్తు పదార్థాల్ని స్వాధీనం చేసుకున్నట్లు చెబుతున్నారు.

మోడల్ నివాసంలో సోదాలు నిర్వహించిన సమయంలో ఇంట్లో ఆమె లేదని.. ఆమె బాయ్ ఫ్రెండ్ మాత్రమే ఉన్నాడని.. అతన్ని పోలీసులు అదుపులోకి తీసుకున్నట్లు చెబుతున్నారు. సోదాలు నిర్వహించిన సమయంలో పట్టుబడిన డ్రగ్స్ ను స్వాధీనం చేసుకున్న పోలీసులు.. ఆమె బాయ్ ప్రెండ్ నిశాంత్ ను అరెస్ట్ చేసి విచారించారు. డ్రగ్స్ సఫ్లై లో దర్శిత్మితకు సంబంధం ఉందన్న విషయాన్ని అతడు వెల్లడించినట్లుగా తెలుస్తోంది. ముట్టుకుంటే మాసిపోయే అందం వెనుక ఇంత భయంకర నేర చరిత్ర ఉందా? అని ఆమె గురించి తెలిసిన వారు షాక్ తింటున్నారు.