దావూద్ టెర్రరిస్టే.. ఒప్పుకున్న పాకిస్తాన్!

1993లో ముంబై పేలుళ్ల సూత్రధారి, కరుడుగట్టిన మాఫియా డాన్ దావూద్ ఇబ్రహీంను టెర్రరిస్టుగా గుర్తించడానికి ఇన్నాళ్లు ఒప్పుకోని దాయాది దేశం పాకిస్తాన్ తాజాగా తీవ్రవాదుల జాబితాను విడుదల చేసింది. అందులో అండర్ వరల్డ్ డాన్ దావూడ్ ఇబ్రహీంను ఆ టెర్రరిస్టుల జాబితాలో చేర్చింది.

ఈ లిస్టులో హఫీజ్ సయిద్, మహమ్మద్ అజర్ లాంటి అంతర్జాతీయ ఉగ్రవాదులు కూడా ఈ లిస్టులో ఉన్నారు. అలాగే 88మంది రాజకీయ నాయకులు ఉన్నారు. పాకిస్తాన్ లో వీరందరిపై ఆంక్షలు ఉండనున్నాయి. వీరి బ్యాంక్ అకౌంట్లు ఫ్రీజ్ చేయనున్నారు.

ఇక దావూద్ కరాచీలోనే ఉన్నట్టుగా కూడా పాకిస్తాన్ అంగీకరించింది. అంతర్జాతీయంగా వస్తున్న ఒత్తిళ్లకు పాకిస్తాన్ ఈ జాబితాను రిలీజ్ చేసింది. దావూద్ పై చట్టపరమైన చర్యలు తీసుకోవాలని పాక్ ప్రభుత్వం ఆదేశించింది.