కొత్త డిమాండ్: జగన్ ప్రధాని కావాలి!

ఏపీ సీఎం జగన్ అభిమానం కొండంతలు పెరిగింది. ఆయన ఏపీలో చేస్తున్న సంక్షేమం - అభివృద్ధిని దేశవ్యాప్తంగా విస్తరించాలని వైసీపీ శ్రేణులు ఆశపడుతున్నాయి. ఈ క్రమంలోనే కొందరు అప్పుడే యువకుడు, ఒక్కసారి మాత్రమే సీఎం అయిన జగన్ ను ఏకంగా ప్రధాని కావాలని కోరుకుంటున్నారు.

తెలంగాణ సీఎం కేసీఆర్ ను ఇన్నాళ్లు గులాబీ శ్రేణులు ఈ కోరిక కోరేవి. కానీ ఇప్పుడది ఏపీ సీఎంకు పాకింది. తాజాగా వైసీపీ శ్రేణులు కొత్త డిమాండ్ తెరపైకి తెచ్చాయి.

కుప్పంలో వైసీపీ మద్దతుదారులు అత్యధిక స్థానాల్లో గెలవడంపై స్పందించిన డిప్యూటీ సీఎం నారాయణ స్వామి.. ప్రజలకు ఇంత మేలు చేస్తున్న జగన్ ఒకసారి ప్రధాని కావాలని సంచలన వ్యాఖ్యలు చేశారు. ఇందుకోసం దేవుడిని ప్రార్థిస్తున్నానన్నారు.

కుప్పం ప్రజలకు చంద్రబాబు చరిత్ర తెలుసు అని.. అందుకే ఆయన తగిన బుద్ది చెప్పారని నారాయణ స్వామి అన్నారు. ప్రతిపక్ష నేత నియోజకవర్గంలో అధికార పార్టీ గెలవడం అంటే అంతకుమించిన పాస్ మార్కులు జగన్ కు వచ్చాయని కొనియాడారు.

మొత్తంగా ఏపీ డిప్యూటీ సీఎం వెంట వచ్చిన ఈ మాటలు ఇప్పుడు వైసీపీ శ్రేణుల్లో హాట్ టాపిక్ గా మారాయి. ఏకంగా దేశానికి ప్రధాని కావాలని జగన్ ను కోరడం సంచలనమైంది.