ఒక్క గెలుపు.. వైసీపీ నేత భావోద్వేగం

ఒక్క గెలుపు.. అది ఆ ఒక్కరికే సంతోషం కాదు.. మొత్తం ఆ పార్టీకే సంతోషం.. తరతరాలుగా పార్టీని నమ్ముకొని ఉన్న వారికి ఆనందం.. నాడు వైఎస్ అండతో రాజకీయాల్లోకి వచ్చి.. నేడు ఆయన తనయుడికి తోడుగా పదేళ్లుగా ప్రతిపక్షంలో ఉన్న నేతలు ఇప్పుడు అధికారంలోకి వచ్చాక తమ కళ్లను తామే నమ్మలేకపోతున్నారు. ఈ అద్భుత విజయాన్ని కట్టబెట్టిన ప్రజలకు రుణపడి ఉంటామంటున్నారు.

శ్రీకాకుళం జిల్లా నర్సన్నపేట వైసీపి ఎమ్మేల్యే ధర్మాన కృష్ణదాస్ భావోద్వేగానికి గురయ్యారు. కాంగ్రెస్ పార్టీ అనే పాఠశాల లో ఎదిగి వైఎస్ రాజశేఖర రెడ్డి గారి వద్ద రాజకీయ పాఠాలు నేర్చకున్నందుకు చాలా సంతోషంగా వుందని అన్నారు. నాలుగు సార్లు తనను ఎమ్మేల్యేగా గెలిపించినందుకు వైఎస్ అభిమానులకు జీవితాంతం దాసుడిగా వుంటానని అన్నారు. ఎటువంటి ప్రతిపలం అశించకుండా వైఎస్ జగన్ ప్రభుత్వంలో ప్రజలకు పాటుపడుతానని తనను కలిసి నేతలు, ప్రజల ఎదుట కళ్లనీళ్లు పెట్టుకోవడం హాట్ టాపిక్ గా మారింది..

దాదాపు పదేళ్లు ప్రతిపక్షంలో ఉన్న వైసీపీ నేతలు ఎన్నో కష్టనష్టాలు ఓర్చారు. అధికార టీడీపీని కాచుకొని ఇన్నాళ్లు ప్రజల కోసం కష్టపడ్డారు. ప్రజల్లోనే ఉన్నారు. ఇప్పుడు వారి కష్టం నెరవేరింది. ప్రజలు మామూలుగా ఆదరించలేదు.. క్లీన్ స్వీప్ విజయాన్ని అందించారు. ఎంతో మంది సాధారణ నాయకులు, పేరులేని వారు.. కొత్తగా వచ్చిన వారికి వైసీపీ అధినేత జగన్ అవకాశం ఇచ్చారు. ఇప్పుడు వారంతా ఎమ్మెల్యేలుగా, ఎంపీలుగా గెలిచి తమ కళ్లను తామే నమ్మలేకపోతున్నారు. జగన్ కృషి పట్టుదలే తమను గెలిపించాయని కన్నీళ్ల పర్యంతం అవుతున్నారు. అలానే ధర్మానా కృష్ణ దాస్ ఎమోషనల్ అవ్వడం హాట్ టాపిక్ గా మారింది.