బొత్స కుమారుడి ఎంగేజ్ మెంట్ కి ఎవరెవరు వచ్చారో తెలుసా?

ఆంధ్రప్రదేశ్ లో అధికారంలో ఉన్న వైసీపీ సీనియర్ మంత్రి బొత్స సత్యనారాయణ కుమారుడి వివాహ నిశ్చితార్థం అంగరంగ వైభవంగా సాగింది. హైదరాబాద్ లోని పార్క్ హయాత్ హోటల్ లో జరిగిన ఈ కార్యక్రమానికి రాజకీయ, సినీ , వ్యాపార ప్రముఖులు హాజరయ్యారు. దాదాపు ఆంధ్ర మంత్రులంతా హాజరు కావడం విశేషం.

ఇక వైసీపీకి దగ్గరిగా ఉంటున్న మెగాస్టార్ చిరంజీవి ప్రత్యేక ఆకర్షణగా నిలిచారు. వైసీపీ నేతలే కాదు.. టీడీపీ నేతలూ హాజరయ్యారు. గంటా శ్రీనివాసరావు, అవంతి, పెద్దిరెడ్డి లాంటి ప్రముఖులు కూడా హాజరు కావడం విశేషం. కేవీపీ రాంచంద్రరావు కూడా హాజరయ్యారు.

ఇక తెలంగాణ నుంచి కూడా ఈ వేడుకకు ప్రముఖులు తరలివచ్చారు. మంత్రి హరీష్ రావు, కేశవరావు, బండ్ల గణేష్ లు హాజరయ్యారు.

వైసీపీ మంత్రులు, నేతలు అంతా ఓ దగ్గర చేరడం.. వైఎస్ కాలంలో ఉన్న వారు కొందరు రావడం..కేవీపీ వుండడంతో అంతా కోలాహలంగా మారింది.

ఇక ఈ వేడుకకు హాజరైన కాపు ప్రముఖులు అంతా మెగాస్టార్ చుట్టూ చేరడం.. ఆయనతో వీలైనంత ఎక్కువ సేపు గడపడం కనిపించింది. మెగాస్టార్, అతిరథ మహారథుల రాకతో బొత్స కుమారుడి ఎంగేజ్ మెంట్ మహావేడుకగా సాగింది.