ప్రపంచంలో సెక్సీ బట్టతల ప్రముఖుడు ఎవరో తెలుసా?

కాస్త వయసు మీద పడిన తర్వాత నాలుగు వెంట్రుకలు ఠపీ.. ఠపీ మని ఊడిపోతుంటే.. మగమహారాజుల గుండెల్లో రైళ్లు పరుగులు తీస్తుంటాయి. ఎంత పెద్ద స్థానంలో ఉన్న నెత్తి మీద ఉన్న వెంట్రుకలు అలానే ఉండాలని కోరుకునే వారెందరో. ఆస్తులు కాస్త తగ్గినా ఫర్లేదు కానీ నెత్తి మీద జుట్టు పోకుండా ఉంటే చాలనుకునే వారు కూడా ఉంటారు. అలాంటిది బట్టతల మొత్తంగా ఆక్రమించేసిన ప్రముఖుల పరిస్థితి ఏమిటి? వారి వేదన అంతా ఇంతా అన్నట్లు ఉండదు.

అనవసరంగా ఫీల్ అవుతారే కానీ.. బట్టతలోనూ అందం ఉందని.. అది కూడా సెక్సీ అప్పీల్ అని భావించేటోళ్లు ఉన్నారు. అంతేకాదు.. చాలామంది మహిళలు బట్టతల బాసులకు ఫిదా అయిపోతుంటారట. తాజాగా సెక్సియస్ట్ బాల్డ్ మ్యాన్ గా నిలిచారు ప్రిన్స్ విలియమ్స్. బ్రిటన్ సింహాసనానికి రాజు అయ్యే రేసులో ఉన్న ఆయన ప్రపంచంలోనే అత్యంత ధనిక రాకుమారుల్లో ఒకరు. ప్రిన్సెస్ డయానా ఇద్దరు కుమారుల్లో ఒకరు విలియమ్స్.

తాజాగా గూగుల్ సెర్చ్ లో బ్లాగ్స్.. రిపోర్టస్ పేజీల్లో మొత్తం 1.76 కెోట్ల సార్లు ప్రిన్స విలియమ్స్ ను సెక్సియెస్ట్ బాల్డ్ మ్యాన్ గా అభివర్ణించిన వైనం ఆసక్తికరంగా మారింది. ప్రిన్స్ విలియమ్స్ కు ముందు సెక్సియెస్టు మ్యాన్ గా రష్యా అధ్యక్షుడు పుతిన్.. డ్వేన్ జాన్సన్.. బ్రూస్ విల్లీస్.. విస్ డీజిల్.. ఫ్లాయిడ్ మేవెదర్ కూడా ఉన్నారు. అయితే.. ప్రిన్స్ విలియమన్స్ ను సెక్సియెస్ట్ బాల్డ్ మేన్ గా గుర్తించేందుకుఅమెరికా నటుడు స్టాన్లీ టుస్సీ ఫ్యాన్స్ మాత్రం నో చెబుతున్నారట. విలియమ్స్ కంటే తమ అభిమాన నటుడే.. అందగాడని పేర్కొంటున్నారు. ఇదంతా ఒక ఎత్తు అయితే.. బట్టతలలోనూ అందం ఉందన్న విషయం.. దాని మీద ఇంత చర్చ జరుగుతుందన్న విషయం తెలిసే బట్టతల మగమహారాజులకు అంతో ఇంతో సాంత్వన లభిస్తుందని చెప్పక తప్పదు.