ట్రంప్ కత్తి... కూతుళ్లు చురకత్తులే..

అమెరికా అధ్యక్షుడిగా ఎన్నికైన డొనాల్డ్ ట్రంప్ తీరు గురించి ప్రత్యేకంగా చెప్పనవసరం లేదు. ఆయన్ను శృంగార పురుషుడిగా - కాసనోవాగా చెబుతుంటారు. చెబుతుండడమే కాదు.. ఆయనకు ముగ్గురు భార్యలుండడం కూడా దానికి అద్దం పడుతోంది. దీంతో ప్రపంచ మీడియా అంతా ఇప్పుడు ట్రంప్ వ్యక్తిగత జీవితం - ఆయన కుటుంబాలపై ఆసక్తి చూపుతోంది.

ట్రంపుకు ముగ్గురు భార్యలు. ఇద్దరు కుమార్తెలు - ముగ్గురు కుమారులు. మొదటి భార్య పేరు ఇవానా - రెండో భార్య పేరు మార్లా మేపిన్స్.. మూడో భార్య - ప్రస్తుతం ట్రంపుతో ఉంటున్న ఒకప్పటి రొమాంటిక్ యాక్టర్ పేరు మెలానియా. రెండో భార్య కూడా నటే.

ట్రంప్ ప్రచారంలో బాగా పాపులర్ అయిన ఇవాంకా ట్రంప్(35) ఆయన పెద్ద కుమార్తె. పెద్ద భార్య కూతురు. ఒకప్పుడు మోడల్ గా పనిచేసిన ఇవాంకా ఇప్పుడు వ్యాపారవేత్త. ట్రంప్ ఆర్గనైజేషన్ కు ఎగ్జిక్యూటివ్ వైస్ ప్రెసిడెంట్.

టిఫానీ ట్రంప్(23) ఆయన రెండో కుమార్తె. ఈమె ట్రంపు రెండో భార్య కుమార్తె. ఈమె పెద్దగా మీడియాలో కనిపించదు. కానీ.. ఇన్ స్టా గ్రామ్ లో పాపులర్. సుమారు 3.5 లక్షల మంది ఫాలోవర్లు ఉన్నారు. సింగర్ గా హిట్ అవ్వాలని ట్రై చేస్తోంది.

కాగా పెద్ద కూతురు ఇవాంకా తండ్రితో పాటు ప్రచారంలో బాగా కనిపించడంతో ఇప్పటికే పాపులర్ అయింది. ఆమె ఎత్తు - అందం అన్నీ ప్రపంచాన్ని బాగా ఆకర్షించాయి. ఇప్పుడు ట్రంప్ విజయంతో ప్రపంచమంతా ట్రంపు ఇద్దరి కూతుళ్ల గురించి ఆసక్తి చూపుతోంది.

Like Us on Facebook : https://www.facebook.com/Tupakidotcom/