బ‌తికున్న పామును మింగేసిన ఆ వ్య‌క్తి..!

విచ‌క్ష‌ణ మ‌రిచి తాగిన మైకంలో ఉన్న వ్య‌క్తి చేసిన ప‌ని అత‌డి ప్రాణాలు పోయేలా చేసింది. ఫుల్ గా తాగిన ఒక వ్య‌క్తికి త‌గ్గ‌ట్లే కొంద‌రు ఆక‌తాయులు చుట్టూ చేరి.. అత‌గాడిని ఆట‌ప‌ట్టించ‌టానికి చేసిన ప‌ని చివ‌ర‌కు ప్రాణాలు పోయేలా చేసింది.

బ‌తికి ఉన్న పామును మింగేసిన వీడియో ఒక‌టి వైర‌ల్ గా మార‌టం తెలిసిందే. ఫుల్ గా తాగేసిన ఒక వ్య‌క్తి బ‌తికి ఉన్న పామును మింగిన ఒక వీడియో సంచ‌ల‌నంగా మారింది. వైర‌ల్ గా మారిన ఈ వీడియోలోని వ్య‌క్తి మ‌ర‌ణించాడు. ఉత్త‌ర‌ప్ర‌దేశ్‌ కు చెందిన ఆమ్ రోహ జిల్లాకు చెందిన కార్మికుడు మ‌హిపాల్ సింగ్ ఫుల్ గా తాగేశాడు.

ఇంటికి వ‌స్తున్న‌వేళ అత‌గాడికి ఒక చిన్న పాముపిల్ల క‌నిపించింది. దాన్ని ప‌ట్టుకొని పిచ్చి చేష్ట‌లు చేస్తున్న అత‌గాడికి.. కొంద‌రు ఆక‌తాయిలు ఎదురయ్యారు. పాముపిల్ల‌ను ప‌ట్టుకున్న మ‌హిపాల్ సింగ్ ను వీడియోలు తీయ‌సాగారు. దీంతో మ‌రింత చెల‌రేగిపోయాడు. పాముపిల్ల‌ను పిడికిలిలో ప‌ట్టుకొని రోడ్డుపై వేసి.. త‌ల మీద పెట్టుకుంటూ ఆట‌లాడాడు.

ఇంత‌లో. దాన్ని మింగేస్తావా? అని ఆక‌తాయుల్లో ఒక‌రు అడ‌గ‌టం.. దాంతో చ‌ప్పున గొంతులో వేసేకున్న వైనం ఒక ఎత్తు అయితే.. స‌ర‌దాగా చేసిన ఆ ప‌ని కాస్తా అత‌డి ప్రాణాలు పోయేలా చేసింది. గొంతులోకి వెళ్లిన పాము పిల్ల ఎంత సేప‌టికి బ‌య‌ట‌కు రాక‌పోవ‌టం.. గంట‌ల వ్య‌వ‌ధిలోనే ఒళ్లంతా విషం వ్యాపించ‌టంతో కాసేప‌టికే మృత్యువాత ప‌డ్డాడు. తాగిన మైకంలో స‌ర‌దాగా చేసిన ప‌ని.. ప్రాణాలు పోయేలా చేసింది. ఈ వీడియో ఇప్పుడు వైర‌ల్ అవుతోంది.