అలాంటివి అడిగి చిన‌బాబును ఇబ్బంది పెడ‌తారే!

ఏపీ ముఖ్య‌మంత్రి చంద్ర‌బాబు కుమారుడు క‌మ్ ఏపీ మంత్రి నారా లోకేశ్‌కు ఇబ్బందిక‌ర ప‌రిస్థితి ఎదురైంది. తాజాగా ఆయ‌న క‌డ‌ప జిల్లాలోని వ‌ల్లూరు మండ‌లం త‌ప్పెట్ల‌లో ప‌ర్య‌టిస్తున్నారు. ఈ సంద‌ర్భంగా జ‌రుగుతున్న అభివృద్ధి కార్య‌క్ర‌మాల‌కు సంబంధించిన‌ కొన్ని ప్ర‌శ్న‌లు వేశారు. అయితే.. లోకేశ్ అడిగిన ప్ర‌శ్న‌ల‌కు స‌మాధానం చెప్ప‌ని మ‌హిళ‌లు.. ఎదురు ప్ర‌శ్న‌లు సంధించారు. దీంతో.. లోకేశ్ తీవ్ర అసౌక‌ర్యానికి గుర‌య్యారు.

ఇంత‌కీ లోకేశ్‌ ను అంతగా ఇబ్బంది పెట్టిన మ‌హిళ‌ల ప్ర‌శ్న‌లుఏమిటంటే.. సార్వ‌త్రిక ఎన్నిక‌ల వేళ డ్వాక్రా మ‌హిళ‌ల‌కు రుణ‌మాఫీ చేస్తాన‌ని టీడీపీ అధినేత చంద్ర‌బాబు హామీ ఇచ్చారు. ఎన్నిక‌ల్లో విజ‌యం సాధించిన త‌ర్వాత డ్వాక్రా మ‌హిళ‌ల‌కు ఇచ్చిన హామీని ఇప్ప‌టివ‌ర‌కూ నిల‌బెట్టుకున్న‌ది లేదు. దీంతో.. డ్వాక్రా మ‌హిళ‌ల‌కు ఇవ్వాల్సిన రుణ‌మాఫీ గురించి లోకేశ్‌ ను నిల‌దీశారు. దీంతో వ‌రుస పెట్టి ప్ర‌శ్న‌లు అడుగుతున్న మ‌హిళ‌ల‌కు స‌మాధానం చెప్ప‌లేక లోకేశ్ తెగ ఇబ్బంది ప‌డిపోయారు.