రెండు తెలుగు రాష్ట్రాల్లోనూ ఎన్నిక‌ల ప‌ర్వం.. షెడ్యూల్ విడుద‌ల‌

రెండు తెలుగు రాష్ట్రాల్లోనూ సార్వ‌త్రిక ఎన్నిక‌ల‌కు ముందు కీల‌క‌మైన ఎమ్మెల్సీ ఎన్నిక‌ల‌కు షెడ్యూల్ విడుద‌లైంది. ఉపాధ్యాయ‌, ప‌ట్ట‌భ‌ద్ర స్థానాల్లో ఎమ్మెల్సీ ఎన్నిక‌ల‌కు రెండు తెలుగు రాష్ట్రాల్లోనూ భారీ పోటీ ఉన్న విష‌యం తెలిసిందే. రెండు తెలుగు రాష్ట్రాల్లోని అధికార పార్టీలూ.. ఈ ఎన్నిక‌ల‌ను ప్ర‌తిష్టాత్మ‌కంగా తీసుకున్నాయి. ముఖ్యంగా ఏపీ విష‌యానికి వ‌స్తే.. ఎప్ప‌టి నుంచో దీనికి క‌స‌ర‌త్తు జ‌రుగుతోంది. ఓట‌ర్ల గుర్తింపు నుంచి జాబితాల వ‌ర‌కు అనేక వివాదాలు కూడా న‌డిచాయి. ఇక‌, ఈ ఎన్నిక‌ల‌కు సంబంధించి కేంద్ర ఎన్నిక‌ల సంఘం తాజాగా ఫెడ్యూల్‌ విడుద‌ల చేసింది.

తెలంగాణ‌లో..
+ తెలంగాణలో సయ్యద్ అస్సాన్ జాఫ్రి ఎమ్మెల్సీ పదవి కాలం ముగిస్తున్న నేపథ్యంలో షెడ్యూల్‌ వెలువడింది. దీని ప్ర‌కారం ఈ నెల 16న నోటిఫికేష‌న్ విడుద‌ల చేయ‌నున్నారు. ఎన్నిక‌ల పోలింగ్‌ మార్చి 13న జ‌ర‌గ‌నుంది. ఫ‌లితం అదే నెల 16 న విడుద‌ల కానుంది.

+ తెలంగాణలో మహబూబ్‌నగర్, రంగారెడ్డి పరిధిలో టీచర్స్ ఎమ్మెల్సీ ఎన్నిక జరగనుంది.

ఏపీలో..

+ ఏపీలో టీచర్ ఎమ్మెల్సీ, పట్టభద్రుల నియోజకవర్గ ఎమ్మెల్సీ స్థానాలకు షెడ్యూల్ విడుద‌ల చేశారు.

+ ఏపీలో 13 ఎమ్మెల్సీ సీట్లకు ఎన్నికల షెడ్యూల్‌ను కేంద్ర ఎన్నికల సంఘం విడుదల చేసింది. 8 స్థానిక సంస్థల నియోజకవర్గాలు, మూడు గ్రాడ్యుయేట్, రెండు టీచర్ ఎమ్మెల్సీ స్థానాలకు ఎన్నిక‌లు జ‌ర‌గ‌నున్నాయి.

+ నోటిఫికేష‌న్ జారీ ఈ నెల 16న‌. పోలింగ్ మార్చి 13న జర‌గ‌నుంది. ఎన్నికల ఫలితాలు అదే నెల 16న విడుద‌ల కానున్నాయి.

ఏపీలో టీచర్స్ ఎమ్మెల్సీ స్థానాలు ఇవీ..

1. ప్రకాశం - నెల్లూరు - చిత్తూరు జిల్లాలు

2. కడప - అనంతపురం - కర్నూలు జిల్లాలు

గ్రాడ్యుయేట్‌ ఎమ్మెల్సీ స్థానాలు

1. ప్రకాశం- నెల్లూరు -చిత్తూరు

2. కడప- అనంతపురం- కర్నూలు

3. శ్రీకాకుళం- విజయనగరం- విశాఖపట్నం


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.