ప్ర‌పంచంలో అత్యంత అంద‌మైన సోల్జ‌ర్ ఈవిడే..

ఎలీనా డెలిజియోజ్.. గ‌త కొన్ని రోజులుగా సోష‌ల్ మీడియాను షేక్ చేసేస్తున్న పేరిది. సైనిక దుస్తుల్లో ఆమె ఫొటో షూట్ చూసి కుర్రాళ్ల‌కు పిచ్చెక్కిపోతోంది. ఇంత అంద‌మైన అమ్మాయి సైన్యంలో చేర‌డ‌మేంటి.. క‌ద‌న రంగంలో పోరాడ‌ట‌మేంటి.. అంత సుకుమార‌మైన చేతులు తుపాకులెలా ప‌డ‌తాయి.. ఆమెను చూసిన శ‌త్రు సేన‌లు ఎలా స్పందిస్తాయి.. అంటూ పెద్ద చ‌ర్చ‌లే పెడుతున్నారు నెటిజ‌న్లు. ఎలీనా ఫొటోలు.. ఆమె మీద చ‌ర్చ‌లు ప్ర‌పంచ వ్యాప్తంగా సోష‌ల్ మీడియాను ఊపేస్తున్నాయి. కానీ చివ‌రికి తేలిందేమంటే.. ఈమె అస‌లు సోల్జ‌రే కాద‌ట‌. జ‌స్ట్ సైనికురాలి లాగా ఒక ఫొటో షూట్ మాత్రమే చేసింద‌ట‌.

ప్ర‌పంచంలోనే అత్యంత అంద‌మైన సైనికురాలిగా పేరు తెచ్చేసుకున్న ఎలీనా నిజానికి ఒక యంగ్ బిజినెస్ ఉమ‌న్. ఆన్ లైన్ స్టోర్ ద్వారా మిలిట‌రీ సామ‌గ్ర‌ని అమ్ముతుంది. త‌న ఉత్ప‌త్తుల ప్ర‌చారం కోసం దిగిన ఫొటోలు చూసి ఇంప్రెస్ అయిన ఒక ఫొటోగ్రాఫ‌ర్.. ఆమెతో ఒక స్పెష‌ల్ ఫొటోషూట్ చేశాడు. వాటిని నెట్లో పెట్టాడు. అంతే ఆ ఫొటోలు వైర‌ల్ అయిపోయాయి. సోష‌ల్ మీడియాలో పెద్ద చ‌ర్చ‌నీయాంశ‌మ‌య్యాయి. తాను నిజానికి సైనికురాలిని కాద‌నే విష‌యం ఎలీనా చెప్పేస‌రికే ఆల‌స్య‌మైంది. ఆమె ప్ర‌పంచ‌వ్యాప్తంగా పాపుల‌ర్ అయిపోయింది. ఏదైతేనేం ప్ర‌చారం మంచికే క‌దా అని ఊరుకుంది ఎలీనా.