ఆవుపేడ పొగతో వైరస్ అంతం.. మరో కొత్త ప్రయోగం?

ప్రస్తుతం దేశ వ్యాప్తంగా ప్రజని పట్టి పీడిస్తున్న అతి పెద్ద సమస్య కరోనా వైరస్. గత ఏడాది మొదటి వేవ్ ..ఇప్పుడు సెకండ్ వేవ్ .. ఇలా దేశాన్ని అతలాకుతలం చేస్తోంది. అయితే , ఈ మహమ్మారి కట్టడికి ఏ చిన్న మందు వచ్చిన జనంలో ఆశలు చిగురిస్తున్నాయి. ఏపీకి చెందిన ఆనందయ్య కరోనాకు ఆయర్వేద మందు తయారు చేసిన సంగతి తెలిసిందే. తాజాగా కరోనా అంతంకు తెలంగాణ వాసి కూడా సరికొత్త ప్రయోగం చేశాడు. గాలిలో ప్రాణవాయువు పెంచేందుకు గోమాత పేడతో పొగ తయారు చేశాడు. ఆవు పేడ పిడకలను కాల్చే కార్యక్రమానికి మంథనిలో శ్రీకారం చుట్టారు ఎమ్మెల్యే శ్రీధర్ బాబు. కరోనా కు ఆనందయ్య ఆయుర్వేద మందు తయారు చేసి అందరి దృష్టిని ఆకర్షిస్తుండగా మంథని ప్రాంతానికి చెందిన గోశాల నిర్వహకుడు రమేష్ సరికొత్త మందు కనిపెట్టాడు.

ఆవు పేడ పొగతో కరోనా వైరస్ ను అంతం చేయడంతో పాటు ప్రాణవాయువును పెంచుకోవచ్చని చెప్తున్నారు.‌ ప్రయోగాత్మకంగా పెద్దపల్లి జిల్లా మంథని ఎమ్మెల్యే శ్రీధర్ బాబు క్యాంపు కార్యాలయం వద్ద పొగ పెట్టె కార్యక్రమాన్ని శ్రీధర్ బాబు ప్రారంభించారు. అడవిలో తిరిగే ఆవుల నుంచి సేకరించిన పేడ పిడకలను నెయ్యి, పసుపు, ఆవాలు, కర్పూరం వేసి కాల్చడం ద్వారా వచ్చే పొగతో వైరస్ అంతం కావడంతో పాటు గాలిలో మంచి ప్రాణవాయువు పెరుగుతుందని తెలిపారు. ప్రతి రోజు రెండు గంటల పాటు ఇలా పొగ పెడితే ఎంతో ప్రయోజనకరంగా ఉంటుందని చెప్పారు.‌ ప్రతి ఇంట్లో ఇలా చేస్తే బాగుంటుందని అభిప్రాయపడ్డారు. వింత ప్రయోగం బాగుందని ఎమ్మెల్యే శ్రీధర్ బాబు గోశాల నిర్వాహకులను అభినందించారు.