ఐపీఎల్​ నుంచి విదేశీ ఆటగాళ్ల నిష్క్రమణ.. అదీ మన మంచికే..!

ప్రస్తుతం దేశంలో కరోనా విలయతాండవం చేస్తున్నది. మనదేశానికి రావాలంటేనే విదేశీయులు భయపడుతున్నారు. కరోనాతో రోజుకు వేల సంఖ్యలో ప్రాణాలు పోతున్నాయి. ఇటువంటి పరిస్థితుల్లో ఐపీఎల్​ నిర్వహణ అవసరమా? అన్న చర్చ జరుగుతోంది. అయితే ఐపీఎల్​ లో ప్రేక్షకులకు అనుమతి లేదు పైగా బయోబబుల్​ పద్ధతిలో ఈ సిరీస్​ ను నిర్వహిస్తున్నందున కరోనా వ్యాప్తి చెందదు. అనేది బీసీసీఐ, ఐపీఎల్​ నిర్వాహకుల వాదన. ఇదిలా ఉంటే వివిధ దేశాలు భారత్​తో విమాన రాకపోకలపై నిషేధం విధిస్తున్నాయి.

ఈ క్రమంలో విదేశీ ఆటగాళ్లు ఐపీఎల్​ నుంచి వెళ్లిపోతున్నారు. ఇప్పటికే కొందరు ఆటగాళ్లు ఐపీఎల్​ ను వీడారు. ఇదిలా ఉంటే విదేశీ ఆటగాళ్లు ఐపీఎల్​ ను వీడినా ఇబ్బంది ఏమీ లేదన్న వాదన తెరమీదకు వస్తున్నది. విదేశీ ప్లేయర్లు వెళ్లిపోతే ఆ స్థానంలో మన దేశ ఆటగాళ్లకు అవకాశం వస్తుందని.. తద్వారా మనదేశ క్రికెటర్ల ట్యాలెంట్​ ప్రపంచానికి తెలుస్తుందని కొందరు అభిప్రాయపడుతున్నారు. ఐపీఎల్​ కు అంతర్జాతీయ స్థాయిలో క్రేజ్​ ఉంది. ఐపీఎల్​లో విదేశీ ఆటగాళ్లు ఆడటం కూడా అందుకు ఓ కారణం. ఇదిలా ఉంటే చాలా మంది దేశీయ ఆటగాళ్లు ఐపీఎల్​ తో తమ సత్తా నిరూపించుకున్నారు.

నటరాజన్​, సిరాజ్​ లాంటి ఆటగాళ్లు ఐపీఎల్​ తో ఫేమస్​ అయ్యారు. శుభ్​మన్​ గిల్​, సూర్యకుమార్​ యాదవ్​, ఇషాంత్​ కిషన్​, దీపక్​ హుడా, హార్దిక్​ పాండ్యా, కృనాల్​ పాండ్యా ఐపీఎల్​ తో తమ సత్తా చాటారు.మరోవైపు ప్రతి జట్టు నలుగురు విదేశీ ఆటగాళ్లను ఆడించొచ్చు. దీంతో అన్ని జట్లలో విదేశీ ఆటగాళ్లు ఉన్నారు.అయితే ఒకవేళ విదేశీ ఆటగాళ్లు వెళ్లిపోయినా .. ఐపీఎల్​ ఆపే ప్రసక్తే లేదని ఇప్పటికీ బీసీసీఐ ప్రకటించింది. విదేశీ ఆటగాళ్లు ఆడకపోతే .. మనదేశ ఆటగాళ్లకు అవకాశం వస్తుందన్న వాదన కూడా వినిపిస్తుంది.