దీపావళి సందర్భంగా బాంబు పేల్చిన మాజీ సీఎం

దీపావళి బాంబు పేల్చారు మాజీ సీఎం ఫడ్నవీస్. షారుఖ్ ఖాన్ కుమారుడు డ్రగ్స్ కేసు అనేక మలుపులు తీసుకుంటోంది. మహారాష్ట్ర మంత్రి నవాబ్ మాలిక్ పై మాజీ సీఎం ఫడ్నవీస్ సంచలన విషయాలు వెల్లడించారు.

ముంబై క్రూయిజ్ డ్రగ్స్ పార్టీ కేసులో రాజకీయ రగడ కొనసాగుతోంది. ఎన్సీబీ అధికారి సమీర్ వాంఖడేను తన ట్వీట్లతో ముప్పుతిప్పలు పెడుతున్న మహారాష్ట్ర మంత్రి నవాబ్ మాలిక్ కు దావూద్ గ్యాంగ్ తో సన్నిహిత సంబంధాలు ఉన్నాయని ఆరోపించారు.

ముంబై పేలుళ్లలో జైలు శిక్ష అనుభవిస్తున్న దోషుల దగ్గరి నుంచి నవాబ్ మాలిక్ చవగ్గా ఆస్తులను కొనుగోలు చేశారని ఫడ్నీవీస్ ఆరోపించారు.

నవాబ్ మాలిక్ దగ్గర ఉన్న ఆస్తుల్లో నాలుగు ఆస్తులు అండర్ వాల్డ్ తో లింక్ ఉన్నాయని ఆరోపించారు. దీనిపై దర్యాప్తు సంస్థలకు ఫిర్యాదు చేస్తానని తెలిపారు. ఎన్సీపీ అధినేత శరద్ పవర్ కు కూడా డాక్యుమెంట్లు అందిస్తానని తెలిపారు.

ఆర్యన్ ఖాన్ ఫ్రెండ్ ఆర్భాజ్ తన షూలో దాచిన 6 గ్రాముల డ్రగ్స్ ను స్వాధీనం చేసుకున్నట్టు పంచనామాలో ఎన్సీబీ పేర్కొంది. మీ దగ్గర ఏమైనా డ్రగ్స్ ఉన్నాయా? అని ఆర్యన్ ఖాన్, ఆర్భాజ్ మర్చంట్ ను ప్రశ్నించగా డ్రగ్స్ ఉన్నాయని ఆర్భాజ్ మర్చంట్ అంగీకరించాడని ఎన్సీబీ అధికారులు తెలిపారు.